Urdu Text – Khutba Juma 06 April 2018

خطبۂ روزِ جمعہ

بسم اللہ الرحمن الرحیم

بنیادِ نظامِ حیات

تقویٰ کے بغیر زندگی نابود ہو کر غیر انسانی حیات کی شکل اختیا ر کر یتی ہے۔

با تقویٰ معاشرہ بنانے اور مقصدِ حیات تک پہنچنے کے لیے تقویٰ پر مسلسل تاکید کی ضرورت ہے ۔

بندگانِ خدا آپ سب کو اور اپنے نفس کو تقویٰ الٰہی کی وصیت و نصیحت کرتا ہوں اور تقویٰ الٰہی کی طرف دعوت دیتا ہوں اور تاکید کرتا ہوں کہ ہم سب اپنی زندگی تقویٰ کے مطابق بس کریں ، اپنی زندگی کا نظام تقویٰ کی بنیاد پر قائم کریں اور زندگی تقویٰ کے زیرِ سایہ بسر کریں ۔اللہ تعالیٰ نے انسانی حیات کا نظام اس طرح سے مقرر کیا ہے کہ اسے سب سے زیادہ تقویٰ کی ضرورت ہے ورنہ انسانی زندگی ہلاکت کا شکار ہوجاتی ہے۔ تقویٰ کے بغیر انسانی زندگی نابود و تباہ ہوجاتی ہے ، ہلاکت کا شکار ہو جاتی ہے اور غیرا نسانی حیات کی شکل اختیار کرلیتی ہے ۔ اسی لیے قرآن میں تقویٰ کا ذکر کثرت سے ہے اور انبیائے کرام کو حکم ہے کہ وہ جن قوموں میں مبعوث کیے گئے ان کو تقویٰ کی تلقین کریں ۔ ہر نبی نے مبعوث ہوکر اپنی قوم کو پہلا اور آخری خطاب تقویٰ کا کیا ہے۔ اوصیائے کرام بھی نیابتِ انبیائے کرام میں اپنی اقوا م و امتوں کو تقویٰ کی طرف دعوت دینے اور تقویٰ کے تذکر پر مامور ہیں اور اسی طرح علمائے کرام، بالخصوص آئمہ اور آئمہ جمعہ کو تاکید کی گئی ہے کہ وہ تسلسل کے ساتھ بغیر وقفے کے امت کو تقویٰ کی طرف دعوت دیں ۔ دعوتِ تقویٰ اس قدر اہم ہے کہ ہر چیز سے زیادہ اس کے اوپر اصرار اور تاکید ہے۔ خصوصاً اجتماعاتِ جمعہ و جماعتِ روزِ جمعہ کا رُکنِ رکین دعوتِ تقویٰ ہے۔ باتقویٰ معاشرہ اور امت بنانے کے لیے اور مقصدِ حیات تک پہنچنے کے لیے اللہ تعالیٰ کا اور پیغمبرِ اکرم ﷺ کا حکم ہے کہ امت کی بنیاد تقویٰ پر قائم کرنے کے لیے مسلسل تقویٰ کا ذکر ہو اور تذکر کیا جائے۔

مغلوبِ شہوات نسل

 شہوات ، شیاطین اور نفسِ امارہ میں طاقت و قوت ہے جو ضعیف نفوس کو جلدی تسخیر کرلیتے ہیں ۔

قلتِ تقویٰ کی وجہ سے آج کی نسل شہوات کی تہذیب سے مغلوب ہے

تقویٰ کا ذکر قرآنِ کریم میں سب سے زیادہ ہے اور انبیائے کرام بالخصوص خاتم الانبیائ رسول اللہ ﷺ کی زبانِ مبارک اور کلامِ نورانی میں تقویٰ کا ذکر خوبصورت اور موثر انداز میں ہوا ہے اور مقرر ہوا ہے۔ ایسے ہی آئمہ الہدیٰ علیھم السلام بالخصوص امام المتقین حضرتِ امیر المومنین ؑ کی سیرتِ طیبہ اور کلامِ نورانی میں تقویٰ محور اور سب سے زیادہ نمایاں چیز ہے۔ تاریخ بھر میں باتقویٰ علمائ نے امت کو تقویٰ پر تاکید و تلقین کی ہے لیکن اس کے باوجودانسانی معاشرے حتیٰ مسلمان معاشرے اور مومن معاشرے کے اندر تقویٰ کی کمی اور ضعف پائے جاتے ہیں ۔ معاشرے میں تقویٰ نہ ہونے کے نتیجے میں زندگی کی الجھنیں کثرت سے مشاہدہ ہوتی ہیں جس کی وجہ یہ ہے کہ انسان نے جن امور کے مقابلے میں تقویٰ اپنا نا ہے وہ امور بھی قوی ہیں ۔ شہوات ، شیاطین اور نفسِ امارہ میں طاقت و قوت ہے اور یہ ضعیف نفوس کو جلدی تسخیر کرلیتے ہیں ۔ جب انسان شہوت زدہ اور مغلوبِ نفسِ امارہ ہوجاتا ہے اور شیاطین اور خناسوں کے زمرے میں آجاتا ہے تو اس وقت انسان تقویٰ سے باہر چلاجاتا ہے اور کثرت سے سننے کے باوجود تقویٰ کا وعظ اور نصیحت اس انسان پر اثر نہیں کرتے ۔ آج کا زمانہ اور موجود ہ نسل سب سے زیادہ مستضعف، ضعیف اور کمزور ہیں ۔ ان کے اوپر خواہشات و شہوات کی یلغار ہر نسل سے زیادہ ہے، ان کے ارادے سست ہیں اور ان کے اندر تقویٰ کی قلت ہے جس کے نتیجے میں آج کی موجود ہ نسل شہوات و خواہشات کی تہذیب میں مغلوب ہیں ۔

تقویٰ کُش امور

قرآنِ کریم میں خداوند تبارک و تعالیٰ نے سورۃ مبارکہ مدثر میں حکم دیا ہے اور وضاحت کی ہے کہ کس طرح سے انسان باتقویٰ ہوسکتا ہے اور وہ کون سے امور ہیں جو انسان کو تقویٰ سے دور کرکے مجرم بنادیتے ہیں ۔ تقویٰ کش اور ہلاک کنندہ عناصرانسا ن کی روزمرہ زندگی میں پیش آتے ہیں جو انسان کو تقویٰ سے محروم کرتے ہیں ۔

 سورۃ مدثر میں حق تعالیٰ کا فرمانا ہے:

 كُلُّ نَفْسٍۭ بِمَا كَسَبَتْ رَهِينَةٌ ﴿٣٨﴾ إِلَّآ أَصْحَـٰبَ ٱلْيَمِينِ ﴿٣٩﴾ فِى جَنَّـٰتٍ يَتَسَآءَلُونَ ﴿٤٠﴾ عَنِ ٱلْمُجْرِمِينَ ﴿٤١﴾ مَا سَلَكَكُمْ فِى سَقَرَ ﴿٤٢﴾ قَالُوا۟ لَمْ نَكُ مِنَ ٱلْمُصَلِّينَ ﴿٤٣﴾ وَلَمْ نَكُ نُطْعِمُ ٱلْمِسْكِينَ ﴿٤٤﴾ وَكُنَّا نَخُوضُ مَعَ ٱلْخَآئِضِينَ ﴿٤٥﴾ وَكُنَّا نُكَذِّبُ بِيَوْمِ ٱلدِّينِ ﴿٤٦﴾ حَتَّىٰٓ أَتَىٰنَا ٱلْيَقِينُ ﴿٤٧﴾فَمَا تَنفَعُهُمْ شَفَـٰعَةُ ٱلشَّـٰفِعِينَ ﴿٤٨﴾ فَمَا لَهُمْ عَنِ ٱلتَّذْكِرَةِ مُعْرِضِينَ ﴿٤٩﴾ كَأَنَّهُمْ حُمُرٌ مُّسْتَنفِرَةٌ ﴿٥٠﴾ فَرَّتْ مِن قَسْوَرَةٍۭ﴿٥١﴾ بَلْ يُرِيدُ كُلُّ ٱمْرِئٍ مِّنْهُمْ أَن يُؤْتَىٰ صُحُفًا مُّنَشَّرَةً ﴿٥٢﴾كَلَّا ۖ بَل لَّا يَخَافُونَ ٱلْـَٔاخِرَةَ ﴿٥٣﴾ كَلَّآ إِنَّهُۥ تَذْكِرَةٌ ﴿٥٤﴾ فَمَن شَآءَ ذَكَرَهُۥ ﴿٥٥﴾ وَمَا يَذْكُرُونَ إِلَّآ أَن يَشَآءَ ٱللَّـهُ ۚ هُوَ أَهْلُ ٱلتَّقْوَىٰ وَأَهْلُ ٱلْمَغْفِرَةِ ﴿٥٦﴾

ان آیات کی بہت ہی خوبصورت ترتیب و ترکیب ہے جس میں  بیان ہوا ہے کہ انسان مومن سے مجرم کیسے بن جاتا ہے اور انسان کن عوامل کی بنائ پر مجرمین کے زمرے میں کیسے درج ہوجاتا ہے۔ان آیات میں یہ بھی بیان کیا گیا ہے کہ ایسے کون سے امور ہیں جو انسان کو نجات دیتے ہیں اور کون سے ایسے توہمات ہیں جن سے انسان امید لگاکر بیٹھ جاتا ہے اور جرائم کی دنیا میں اس بھروسے پر داخل ہوتا ہے کہ میری نجات کے ذریعے اور وسیلے موجود ہیں ۔

 ان تمام امور کو قرآنِ کریم نے یکجا ذکر فرمادیا ہے۔

كُلُّ نَفْسٍۭ بِمَا كَسَبَتْ رَهِينَةٌ ﴿٣٨﴾

 ہر نفس اپنی کارکردگی کے بدلے میں رہن و گروی ہے اور اپنی کارکردگی سے اپنے آپ کو آزاد کرواسکتا ہے۔

إِلَّآ أَصْحَـٰبَ ٱلْيَمِينِ ﴿٣٩﴾

اصحابِ یمین جنہوں نے بہتر و اعلیٰ کارکردگی دکھا کر اپنے نفوس کو آزاد کرالیا ہے اور اب بہشت میں ہیں ۔

فِى جَنَّـٰتٍ يَتَسَآءَلُونَ ﴿٤٠﴾عَنِ ٱلْمُجْرِمِينَ ﴿٤١﴾

 وہ بہشت میں ہیں اور مجرمین سے سوال کرتے ہیں

مَا سَلَكَكُمْ فِى سَقَرَ ﴿٤٢﴾

کون سی چیز تمہیں جہنم لے آئی

قَالُوا۟ لَمْ نَكُ مِنَ ٱلْمُصَلِّينَ ﴿٤٣﴾

مجرمین جواب دیں گے کہ ہم نمازیوں میں سے نہیں تھے

وَلَمْ نَكُ نُطْعِمُ ٱلْمِسْكِينَ ﴿٤٤﴾

اور ہم مساکین و فقرائ کو نظرا نداز کرتے تھے، ان کا اطعام نہیں کرتے تھے

وَكُنَّا نَخُوضُ مَعَ ٱلْخَآئِضِينَ ﴿٤٥﴾

اور ہم وقت ضائع کرنے والوں کے ساتھ مل کر وقت ضائع کرتے تھے، اپنی عمر ضائع کرتے تھے

وَكُنَّا نُكَذِّبُ بِيَوْمِ ٱلدِّينِ ﴿٤٦﴾

 اور ہم قیامت اور موت سے غافل اور لاپرواہ تھے

حَتَّىٰٓ أَتَىٰنَا ٱلْيَقِينُ ﴿٤٧﴾

اوراب ہمیں جہنم میں آکر یقین آگیا ہے کہ یہ سب کچھ جو ہم نے کیا ہے وہ ہی ہماری تباہی کا باعث بنا

فَمَا تَنفَعُهُمْ شَفَـٰعَةُ ٱلشَّـٰفِعِينَ ﴿٤٨﴾

 جن کے اندر یہ چار صفات موجود ہیں اور جو جہنم واصل ہوگئے ہیں شفاعت کرنے والے شافعین کی شفاعت اِن مجرمین کو فائدہ نہیں دے گی

فَمَا لَهُمْ عَنِ ٱلتَّذْكِرَةِ مُعْرِضِينَ ﴿٤٩﴾

سوال یہ ہے کہ جب ان مجرمین کو تذکر دیا جاتا تھا اور متوجہ کیا جاتا تھا تو یہ متوجہ کیوں نہیں ہوتے تھے۔ انہیں کیا موت پڑی تھی ، کیا مشکل پیش آئی تھی اور ان کی راہ میں کیا رکاوٹ تھی کہ جب سمجھانے والے معلمینِ امر ابن بالمعروف، مربی اور متولیانِ دین انہیں تذکر دیتے تھے اور یہ نہیں سنتے تھے ۔

کَأَنَّھُمۡ حُمُرٌ مُّسۡتَنفِرَہٌ

ان کی مثال بھاگتے ، اچھلتے گدھوں جیسی ہے

 فَرَّتۡ مِن قَسۡوَرَۃٍ

وہ گدھے جو کسی درندے، شیر کے حملے کے خوف سے گویا بھاگ رہے ہوں ۔ یہ ان لوگوں کی حالت ہے جو تذکر نہیں سنتے اور اپنی خر مستی میں مشغول رہتے ہیں اس لیے ان کے اوپر تذکرہ و تذکر اثر نہیں کرتا۔ یہ اس طرح کے انسان ہیں جیسے اچھلتے کودتے بھاگتے ہوئے اور بھگدڑ والے گدھے ہوں ۔

بَلۡ یُرِیدُ کُلُّ امۡرِئٍ مِّنۡھُمۡ أَن یُؤۡتَیٰ صُحُفًا مُّنَشَّرَہ

اورا ن تقویٰ سے دور رہنے والے مجرمین میں ہر ایک کی یہ خواہش ہے کہ ان پر کھلی کتابیں نازل ہوں اور ان کے ہاتھوں میں کھلی کتابیں موجود ہوں یعنی یہ اپنے آپ کو بہت لائق و قابل سمجھتے ہیں اور اپنے بارے میں توہم و گمان یہ رکھتے ہیں کہ ہم اس قابل ہیں کہ ہمارے ہاتھوں میں آسمانی صحیفے ہونے چاہییں ۔ اگر آج کل کی مثال میں پیش کریں تو ان مجرمین اور وقت ضائع کرنے والوں کی خواہش و آرزو یہ ہے کہ اِن کو بڑی بڑی سندیں اور ڈگریاں دی جائیں ۔ یہ لوگ اعلیٰ تعلیم یافتہ لوگوں میں سے شمار ہوں ۔

کَلَّا صلے بَل لَّا یَخَافُونَ الۡآخِرَۃَ

ان کے دل میں سرے سے آخرت کا خوف نہیں ہے

 کَلَّا إِنَّہُ تَذۡکِرَۃ

 یہ ان کے لیے تذکرہ اور وارننگ ہے۔ ان کے لیے خبردار و ہوشیار باش ہے

 فَمَن شَائَ ذَکَرَہ

جس نے چاہا وہ متوجہ ہوجائے گا

 وَمَا یَذۡکُرُونَ إِلَّا أَن یَشَائَ اللَّہُ ج ھُوَ أَھۡلُ التَّقۡوَیٰٰ وَأَھۡلُ الۡمَغۡفِرَۃِ

کہ وہی چاہے گا اور تذکر سنے گا جسے خدا چاہے گا۔ اللہ کی ذات اہلِ تقویٰ اور اہلِ مغفرت ہے۔ مغفرت تقویٰ کے ساتھ مشروط ہے۔

آیات کے اس مجموعے میں امتوں ، انسانوں ، افراد ا ور مومنین کے لیے ایک بہت ہی مہلک عمل عملِ خوض ہے جو انسان کو مجرم اور ناکام بنادیتا ہے اور جہنم تک پہنچادیتا ہے۔ عملِ خوض کو قرآن نے اہمیت کے ساتھ ذکر کیا ہے کیونکہ یہ عمومی بیماری ہے جس میں اکثریت ہمیشہ مبتلا رہتی ہے۔

اللہ تعالیٰ نے ان آیات میں ان مجرمین کی منظر کشی کی ہے جو جہنم جا پہنچے ہیں اور پھر ان کا عنوان ذکر کیا ہے کہ یہ مجرم ہیں اور اسی ضمن میں وجوہات ذکر کی ہیں کہ یہ مجرم کیوں بنے۔ یہ جہنمی اپنی زبان سے بیان کر رہے ہیں یعنی پہلے جو جہنم میں واصل ہو چکے ہیں وہ آنے والوں کی تنبیہ کے لیے اپنا انجام اور اس انجام کے اسباب بیان کر رہے ہیں کہ جو چیزیں ہمیں جہنم لے آئی ہیں ان سے اگلی نسلیں بچ سکیں ۔ اس کا مقصد یہ ہے کہ اگلی نسلیں ان جہنمیوں کی راہ کے راہرو نہ بنیں اور اس سفر کو طے نہ کریں جو مجرمین نے کیا ہے اور جس کی وجہ سے وہ آج جہنم میں ہیں ۔مجرمین کی اس بیماری کا نام خوض ہے۔

وَکُنَّا نَخُوضُ مَعَ الۡخَائِضِین

ہم خائضین کے ساتھ خوض کرتے تھے۔ خائضین انسانوں کا ایک طبقہ ہے اور اکثریت ہے۔ جہنمی بتا رہے ہیں کہ ہم بھی خائضین کے ساتھ اٹھنا بیٹھنا رکھتے تھے اور خوض کرتے تھے جو ہمیں جہنم لے آیا۔ ہم مومن اور مسلمان خاندانوں میں رہتے تھے لیکن خوض نے ہمیں جرائم کا راستہ دکھا دیا۔

خوج ایک انسانی سماجی بیماری ہے اور چھوتی بیماری ہے جو انسانوں کو ایک دوسرے سے لگتی ہے۔ انسان اگر خوض میں مبتلا ہو جائے پھر اس کے لیے بچنا بہت دشوار ہوتا ہے۔ یہاں پر خوض کے مقابلے میں تقویٰ ذکر کیا گیا ہے ۔ خوض اور تقویٰ آپس میں ضد ہیں ۔باتقویٰ کبھی بھی خوض میں مبتلا نہیں ہو سکتا۔ متقین کا ساتھ خائضین کا ہمراہ اور ممبر نہیں ہوتا اور ان کے گروہ اور جماعت کا حصہ نہیں ہوتا۔

فریضۂ مبلغین

ہم کثرت سے قرآن پڑھتے ہیں اور قرآن سے محروم بھی ہیں اور قرآن مہجور ہے جس کی ایک وجہ یہ ہے کہ معارف قرآنی کھلے نہیں اور ان کی وضاحت نہیں ہوئی ۔ قرآنی معارف میں دقت کم ہوئی ہے لہٰذا قرآن کے ہوتے ہوئے ہم انہی بیماریوں میں مبتلا ہیں جن سے قرآن کریم ہمیں بچانا چاہتا ہے۔ ان بیماریوں میں سے ایک بیماری خوض ہے جس کا ذکر شاید مومنین نے نہ سنا ہو کہ خوض بھی قرآن کے نزدیک ایک مہلک بیماری ہے جو قومیں ڈبو دیتی ہے، امتیں ویران کر دیتی ہے اور مملکتیں تباہ کر دیتی ہے۔ قرآن نے اس بیماری کو وضاحت کے ساتھ ذکیا کیا ہے لیکن مبلغین ِ دین نے اس کو اتنی اہمیت نہیں دی۔ پہلی نسل خائضین کی ہوتی ہے اور دوسری نسل بھی خائضین کی راہ پر چل کر لا شعوری طور پر خوض میں مبتلا ہو جاتی ہے ۔مبلغینِ دین کا فریضہ ہے کہ آنے والی نسل کو خوض کی طرف متوجہ کریں ۔ سابقہ نسلیں جن کو قران کہ رہا ہے کہ یہ مجرمین ہیں اور جہنم میں ہیں اور خود اس وقت کہ رہے ہیں کہ اب ہمیں یقین آگیا ہے اور بتلا بھی رہے ہیں کہ ہم خوض کی وجہ سے مجرم بنے اور جہنم میں آئے ۔دنیا میں تو ہم بہت پھنے خان اور بڑے بڑے مومن بنے ہوئے تھے لیکن اللہ کی کتاب میں مجرم تھے اس لیے محشر میں ہم مجرم نکلے ۔یہ مجرمین خوش فہمی میں مبتلا تھے اور بہت ساری چیزوں پر بھروسہ کر کے بیٹھے ہوئے تھے ۔ مبلغین دین اگر معارف قرآن کی وضاحت کریں تو یہ نسلیں بچ سکتی ہے اور انہیں توجہ آسکتی ہے کہ ہم خائضین کی راہ طے نہ کریں ۔

خوض

خوض عربی زبان کا لفظ ہے جس کا مطلب ہو تا ہے پانی میں اترنا اور پانی میں اتر کر چلنا۔خوض سے ملتے جلتے اور الفاظ بھی ہیں جوعربی ، اُردو اور فارسی میں محاورے کے طور پر استعمال ہوتے ہیں ۔ عربی ، اُردو اور فارسی کی کا اصل لغوی ڈھانچہ اور بنیا د ایک ہے۔ ہم اردو زبان میں خوض سے ملتے جلتے جو الفاظ استعمال کرتے ہیں وہ عربی اور فارسی میں بھی استعمال ہوتے ہیں جیسے غور، خوص ،غوص اور غور و خوص کرنا ۔

غور

 غور بھی زمین کے اندر جانے کو کہتے ہیں ۔ کوئی چیز اگر زمین میں سوراخ کر کے زمین کے اندر دھنس جائے اسے غور کہتے ہیں ۔غار المائ یعنی پانی زمین کی نچلی تہ میں اتر گیا ۔ عموماً پانی بہتا ہے لیکن کبھی یہ پانی زمین کے اندر دھنس جاتا ہے جیسے کہ کھیتوں کو جب پانی دیتے ہیں تو پانی زمین کے اندر چلا جا تا ہے ۔ بعض اوقات یہ پانی زمین میں بہت نیچے تک چلا جا تا ہے۔ زمین کی سطح کا پانی اگر زمین کے اندر رخنہ کرے اور گہرائی تک چلا جائے تو عربی زبان میں اس کو غور کہتے ہیں ۔ غور پانی کے ساتھ مخصوص نہیں ہے اگر کوئی اور چیز زمین کو چیر کے زمین کے اندر چلی جائے تو اس عمل کو بھی غور کہتے ہیں جیسے کھدائی کر کے زمین کے اندر چلے جائیں تو یہ بھی غور ہی ہے۔ جب پہاڑوں اور میدانوں کے اندر معدنیات کے لئے کھدائی کرتے ہیں او ر زمین کی گہرائی تک چلے جاتے ہیں اسے بھی غور ہی کہتے ہیں ۔

غار

 ایک لفظ جو اردو زبان میں غور سے بھی زیادہ استعمال ہوتا ہے وہ غار ہے ۔ زمین کے اندر بنی ہوئی ہے سوراخ کو غار اس لئے کہتے ہیں کیوں کہ زمین میں کھدائی کر کے اور زمین کو چیر کے زمین کے اندر ایک راستہ بنا ہوا ہوتا ہے جسے غار کہتے ہیں ۔ غور کا لفظ فہم اور فکر کے عمل میں استعمال ہو تا ہے ۔ انسان جب کسی بھی موضوع کے متعلق سوچتا ہے تو اس موضوع کی گہرائی میں چلا جاتا ہے، اس کی تہ سے نیچے اتر کر عمق میں چلا جاتا ہے اور اس چیز کی اندر کی حالت کو دریافت کر لیتا ہے کہ اس موضوع کی اندر کی حالت کیا ہے اس عمل کو غور کہتے ہیں ۔ اگر کوئی قرآن پڑھ رہا ہے اور قرآن میں غور کر رہا ہے اس کا مطلب یہ ہے کہ قرآن کے مطالب و معارف کی گہرائی میں جا رہا ہے فقط اوپر سے نہیں گزر رہا کہ تیرتا ہوا اور اڑتا ہوا قرآن کے اوپر سے ہی چلا جائے جیسے پرندہ اوپر سے اُڑ کے چلا جاتا ہے ۔ غور کرنے والا شخص قرآنی موضوعات میں تفکر کرتا ہے اور گہرائی تک پہنچ جاتا ہے ۔

غارت

ایک اور لفظ غارت ہے جو اسی مادے سے استعمال ہوتے ہیں جیسے اردو میں غارت گر کہتے ہیں ۔ مغلوں میں بہت سے ممالک غارت کئے ، آج آمریکہ غارت گر ہے جواسلامی ممالک عربی ممالک ان سب کو غارت کر رہا ہے اور ان سب کو لوٹ رہا ہے۔ اسرائیل غارت کر رہا ہے اور مسلمان ممالک کے حکمران بھی غارت گر ہیں ، یہ سیاست دان غارت گر ہیں جو ملتوں کے لوٹ کے لے جارہے ہیں ۔ غارت کرنا  یعنی لوٹ کے لے جانا ۔ غار ت اصل میں لوٹنے کو نہیں کہتے بلکہ غارت کا معنی یہ ہے کہ لوٹ مار کے لیے اور تبا ہی پھیلانے کی غرض سے ایک سرزمین سے آکر دوسرے سرزمین کی سرحدوں کے اندر چلے جانا۔  پاکستان میں تباہی پھیلانے کے لئے پاکستان کے اندر شہروں تک آجانا اور شہروں میں جو کچھ ہے اسے لوٹ کر لے جانا غارت ہے ۔ غارت اور غار کا معنیٰ ایک ہی ہے یعنی راستہ بنا کے گہرائی میں جانا ۔

غوص

خوض کی طرح کا ایک اور لفظ غوص ہے ۔ غواصی بھی پانی میں اترنے کو کہتے ہیں لیکن پانی کی گہرائی میں جانے کو کہتے ہیں ۔ سمندروں اور جھیلوں کا پانی گہرا ہوتا ہے اور اس کی گہرائی میں جانے کو غواصی کہتے ہیں ۔  پانی کی سطح پر تیرنے کو صباحت کہتے ہیں جیسے کشتیاں اور بحری جہاز پانی کی سطح کے اوپر چلتے ہیں یہ صباحت ہے۔ کچھ چیزیں پانی کی گہرائی میں جاتی ہیں جیسے آبدوزیں اور غوطہ خور پانی کی گہرائی میں جاتے ہیں اور ان کی رسائی گہرائی میں موجود اشیائ تک ہوتی ہے اور وہاں کی قیمتی چیزوں کو حاصل کرتے ہیں اور وہاں کے اسرار و رموز سمجھنے کے لئے اترتے ہیں ۔ اس دور میں ٹیکنالوجی کی مدد سے غواصی آسان ہوگئی ہے اور ہر آدمی سمندروں کی تہ میں جا سکتا ہے لیکن پہلے مخصوص لوگ ہوتے تھے جن میں جرأت شجاعت او ر طاقت ہوتی تھی کہ وہ کسی وسیلے کے بغیر غوطہ لگاتے تھے او ر سینکڑوں فٹ نیچے سمندر کی تہہ میں چلے جاتے تھے اور سمندر کی تہہ سے صد ف ا ور موتی لے کر آتے تھے۔ سمندر یا پانی کی تہہ میں جانا غواصی ہے ۔ پس خوض ، غور اور غوص آپس میں ملتے جلتے ہیں ۔ غور زمین کی تہہ میں جانا ہے ، غوص پانی کی تہہ میں جانا اور خوض پانی میں اتر کے چلنا ہے۔ جس پانی کے اندر چلا جاسکتا ہے جیسے دریائی اور نہری پانی ہے یا نالیاں اور کم گہرائی والے حوض ہیں ان کے اندر انسان ضرورت یا تفریح کے لئے اترتا ہے اور چند قدم چلتا ہے ۔

 پانی کی خصوصیت یہ ہے کہ پانی انسان کو تیرنے اور غوطہ لگانے کے لئے موقع دیتا ہے لیکن انسان کے چلنے کے لئے پانی آمادہ نہیں ہوتا۔ پانی کی ساخت اور بناوٹ ایسی ہے کہ انسان قدموں سے پانی کو روند نہیں سکتا اور پانی میں چل نہیں سکتا کیونکہ پانی سیال ہے ۔ چلنے کے لئے سخت جگہ چاہیے نرم جگہ چلنے کے لئے مناسب نہیں ہوتی جیسے مٹی اور ریت جس میں انسان قد م رکھے اور دھنس جائے اس میں بھی چلنا دشوار ہوتا ہے ۔ زمینی جتنی سخت ہو چلنے کے لئے چلنے کے لیے اتنی مناسب ہے۔موجودہ زمانے میں جب انسانوں اور گاڑیوں کے چلنے کے لئے راستے بناتے ہیں تو نرم زمین کو مختلف طریقوں سے سخت کرتے ہیں ۔ قدیم زمانے میں بھی ایسا ہی تھا کہ راستے کی مٹی کو پہلے کوٹتے اور سخت کرتے تھے تا کہ اگر بھاری جانور یا بھاری چیز اس زمین سے گزرے تو دھنس نہ جائے ۔ زمین جتنی سخت ہو اس پر سفر اتنا آسان ہوتا ہے۔ گاڑیاں جو سڑکوں پر چلتی ہے اگر انہیں پانی میں چلائیں تو بڑی پاور والی گاڑیاں بھی ہو ں تو رُک جائیں گی کیونکہ پانی حرکت کے لئے نا مناسب ہے ۔ پانی کے اندر سیالیت اس لیے جو چیز پانی پر چلنا چاہتی ہے پانی اس کے لئے سہارا نہیں بنتا او روہ چیز نیچے دھنس جاتی ہے اور ڈوب جاتی ہے ۔

خوض

بعض لوگ یا حیوانات یہ کام کرتے ہیں کہ پانی کے اندر کود جاتے ہیں اور چلتے ہیں ۔ اوّ ل تو یہ لوگ ادھر ہی جاتے ہیں جہاں پانی جا رہا ہو کیونکہ ضروری نہیں کہ جہاں آپ نے جانا ہو ندی نالہ اور دریا بھی وہیں جارہا ہو۔ دوسرا یہ کہ اگر آپ پانی کے اندر اتر کر سفر کرنا چاہیں اور پانی کو اپناراستہ بنا لیں تو آپ کبھی بھی اپنی منزل مقصود تک نہیں پہنچ سکتے اگر چہ آپ کا مقصود پانی کی جہت میں ہی کیوں نہ ہواس لئے راستے پانی کے کنارے پر بنائے جاتے ہیں ۔ پانی چلنے کے لئے نہیں بلکہ دیگر مقاصد کے لئے ہے جیسے آبیاری کے لئے ، پینے کے لے اور کھیتوں کے لئے ہے۔ پانی کے اور بہت سے فوائد ہیں بلکہ زمین پر حیات کا دارومدار ہی پانی کے اوپر ہے ۔ اتنے فوائد کے باوجود پانی میں ایک کام نہیں ہو سکتا وہ چلنا ہے۔پانی میں انسان تیر کے اور کشتیوں کے ذریعے سفر کر سکتا ہے۔ پانی کی تہہ پر صباحت بھی ہو سکتی ہے اور پانی کے اندر غواصی بھی ہو سکتی ہے ۔ بعض لوگ تیرنا بھی نہیں جانتے اور غواص بھی نہیں ہیں یعنی سمندروں کی تہہ تک نہیں جاتے لیکن خوض کرتے ہیں ۔ آپ نے ساحلوں پر دیکھا ہو گا کہ اکثر بے کار لوگ جن کا کام کاج کوئی نہیں ہوتا اور بے کاری کی وجہ سے تھک جاتے ہیں وہ اپنی فرسٹیشن (frustation) سے نکلنے کے لئے سمندر کے ساحلوں پر چلے جاتے ہیں ۔ سمندر کا ساحل پاکستان میں بھی ہے ، ہندوستان میں اس سے بھی بڑا ساحل اور باقی دنیا میں بھی ہے ۔ چند ممالک ہیں جن میں ساحل نہیں ہے جیسے افغانستان ہے ۔ اکثر ممالک کو ساحل میسر ہے اور وہاں رہنے والے تھکے ہوئے خستہ ا ور بے حال لوگ تفریح کے لئے وہاں چلے جاتے ہیں ۔ اکثر بے کار لوگ کہ جن کے پاس کام کوئی نہیں ہیں اور بے کاری کی وجہ سے تھک جاتے ہیں یہ تھکاوٹ اتارنے ساحلِ سمندر پر چلے جاتے ہیں لیکن سمندر پر پہنچ کر نہ غواصی جانتے ہیں نہ صباحت کر سکتے ہیں ، نہ تیر سکتے ہیں اور نہ غوطہ لگا سکتے ہیں بلکہ سمندر کے کنارے پر تھوڑے سے پانی میں کھڑے ہو جاتے ہیں یا چلتے ہیں اور تھوڑی دیر کے لیے ٹہل کر واپس آجاتے ہیں ۔ اس عمل کو خوض کہتے ہیں ۔ ضرورت کے وقت پانی پر صباحت مفید ہے ، غواصی بھی ضرورت کے وقت مفید ہے لیکن کسی بھی حالت میں پانی میں خوض کرنا انسان کے لئے مطلقاً مفید ، نتیجہ خیز یانفع بخش نہیں ہے کیونکہ خوض پانی کے اندر اتر کر چلنا ہے اور یہ چلنا انسان کو کسی مقصد تک نہیں پہچاتا۔ اس طرح پانی میں اتر کر چلنے سے محاورہ بنا ہے کہ جہاں انسان بے مقصد کام ، بے مقصد گفتگو اور بے مقصد اجتماع کررہے ہوں جن کا کوئی فائد ہ نہیں ہے اور یہ فقط مشغول ہیں اس عمل کو خوض کہتے ہیں اور قرآن نے اس کو بیماری کہا ہے ۔ یہ بیماری جب کسی قوم ، قبیلے ، امت یا طبقے کے اندر آجائے تو مہلک اور مجرم ساز بیماری ہے ۔خوض مجرم پروری کا مدرسہ ہے اور اسی سے مجرم بنتے ہیں ۔ خوض سے مراد بے کار ،بے مقصد اور بے فائدہ امور میں مصروف اور سرگرم رہنا ہے۔ بعض لوگ بہت مصروف ہیں اور ان کا پاس بالکل وقت نہیں ہے۔ انہیں اگر آپ بلائیں کہ کھانے کا وقت ہو گیا ہے تو کہتے ہیں کہ میں کچھ دیر میں آتا ہوں ابھی مصروف ہوں ۔ یہ گپ شپ میں مصروف ہیں اور بے مقصد گپ شپ کر رہے ہیں اور اسی کو قرآن نے خوض کہا ہے ۔ ہم اکثریت کا اور اپنا جائزہ لیں کہ ہمارے چوبیس گھنٹے کہاں گزرتے ہیں ۔کیا ہمارا وقت مفید فعالیت میں گزرتا ہے اور ہم تولیدی یا پیداوری کام کر رہے ہوتے ہیں مثلا ً ذہنی تولید کر رہے ہوتے ہیں ، علم اور فکر تولید کر رہے ہوتے ہیں اور کیا نظریہ یا آئیڈیا تولید کررہے ہوتے ہیں ۔

عملِ صالح

کچھ لوگ ظاہراً جسمانی طور پر کچھ بھی نہیں کر رہے لیکن دماغی طور پر دائماََ تولید کر رہے ہیں اور تولیدی امور میں مصروف ہیں ۔اس وقت ہمیں انہیں لوگو ں کو تولیدات نظر آتی ہیں جیسے اس وقت جتنے شہر بنے ہوئے ہیں وہ سب انہی انجنئیروں کی تولیدات ہیں جو ڈیزائن ، ڈرائنگ ،نقشے اور منصوبے بناتے ہیں اور پلاننگ ، تدبیر و چارہ جوئی کرکے مشکلات کاحل نکالتے ہیں ۔ قرآن کے نزدیک یہ بھی عمل ہے اور قرآن اسے عمل صالح کہتا ہے۔تولیدی ذہنی فعالیت کرنے والے انسان جسمانی طور پر کچھ بھی کرتے ہوئے نظر نہیں آتے لیکن جتنی کتابیں اور جتنے علوم ہیں وہ سب انہی کی ذہنی کوششوں کا نتیجہ ہے ۔ اس وقت جتنے نصابی اور غیر نصابی علوم اور پاکیزہ کتابیں ہیں یہ سب انہی لوگوں کی ذہنی تگ و دو کا نتیجہ ہے ۔ یہ لوگ اچھے مقالے اور مطالب لکھتے ہیں اور اچھی تحقیقات کرتے ہیں اور غور و فکر کر کے ہمارے لیے مختلف چیزوں کے اسرار و رموز فراہم کرتے ہیں جو ان لوگوں کی عظیم میراث ہے۔ جو بھی ذہنی کاوش ، ذہنی فعالیت اور ذہنی عمل کے ذریعے سے کوئی چیز تولید کرتا ہے اس کا پوری بشریت کے اوپر احسان ہے۔ آج ہم جتنی نعمتوں سے بہرہ مند ہیں جیسے بجلی ہے اور  بجلی سے پھر اور بہت کچھ بناجیسے کچھ مشینوں سے آپ گرم ترین موسم میں ٹھنڈی ہوا لیتے ہیں یہ انہی لوگوں کی ذہنی کاوشوں کا نتیجہ ہے۔ سفر کے وسائل بنانا جن کے ذریعے ہم سہولت کے ساتھ سفر کرتے ہیں اور ارتباطات کی ایجاد جن کے ذریعے ہم گھر بیٹھے پوری دنیا کے ساتھ رابطے میں رہتے ہیں یہ سب اس معنیٰ میں عمل صالح ہے کہ یہ ایک تولیدی کام ہے جس کا ایک مقصود تھا اور اس غور و فکر ، بیٹھک اور تفکرایک نتیجہ نکلا ہے اس لیے قرآن اسے عمل صالح کہتا ہے ۔ عمل صالح انسان جسمانی طور پر بھی انجا م دیتا ہے ۔ وہ کا ریگر جو اپنے لیے ،دوسروں کے لیے ، معاشرے کے لیے اور ضرورتمندوں کے لیے کچھ نہ کچھ بنارہے ہیں مثلاََ کوئی جوتا بنارہا ہے ، کوئی روٹی بنارہا ہے ، کوئی پرزہ بنارہا ہے اور کوئی اور مفید چیز انسان کے لیے تولید کر رہا ہے ان سب کی مصروفیت عملِ صالح ہے ۔

 اعمالِ صالحہ وہ اعمال ہیں جن کے نتیجے میں لوگوں کے لیے اور معاشرے کے لیے  کوئی ثمرہ سامنے آتا ہے ۔

متضاد مصروفیات

عمل صالح کے مقابلے میں قرآن نے دو قسم کے اعمال کا ذکر کیا ہے ایک خوض اور دوسرا لہو و لعب ہے ۔ اگر لہو ولعب کو الگ الک شمار کریں تو قرآن نے تین اعمال کا ذکرکیا ہے، خوض ، لہو اور لعب ۔یہ تینوں اعمال عمل صالح کے مقابلے میں ہیں ۔ ان تینوں کی مصروفیت بھی انہی جیسی ہیں جو لوگ تحقیقات ، مطالعات اور غور و فکر کررہے ہیں یا زحمات انجام دے رہے ہیں اور کوئی چیز بنا رہے ہیں یا کوئی چیز بنانے کے لیے منصوبہ بندی بنارہے ہیں  ۔ جو لوگ جسمانی طور پر تگ و دو کر رہے ہیں جیسے کوئی کھیتی باڑی کر ہا ہے ، کوئی آلات اور اوزار بنارہا ہے ، کوئی کھانے پینے کی کوئی چیز بنارہا ہے، کوئی پہننے کی کوئی چیز بنا رہا ہے اور کوئی تجارت کر رہا ہے جو لوگوں کو ضرورت کی اشیائ بیچتا ہے اور نفع بھی کماتا یہ ضرورتیں مہیا کرنے والے انسان سب عمل صالح انجام دے رہے ہیں ۔

یہ سب مصروف لو گ ہیں اور ان کے پاس وقت نہیں ہے ۔ ظاہر ہے جو تحقیقات کر رہا ہے یا منصوبہ سازی کر رہا ہے اگرآپ اس سے وقت مانگیں تو کہے گا مصروف ہوں وقت نہیں ہے ۔ اسی طرح جو خوض میں مبتلا ہیں یا لہو اور لعب میں مبتلا ہیں ان کے پاس بھی وقت نہیں ہے یہ بھی مصروف ہیں ۔ ان دو قسم کے افراد کی مصروفیت ایک جیسی ہے۔ جو خوض کر رہا ہے وہ بھی ذہنی عمل میں مصروف ہے اور جو لہو و لعب میں مصروف ہے یہ بھی جسمانی عمل کر رہا ہے مصروفیت کے لحا ظ سے یہ بھی کوئی تولید ی کام کرنے والوں جیسے نظر آتے ہیں لیکن ایک طبقے کی مصروفیت عمل صالح ہے اور دوسر ے کی مصروفیت مہلک ہے ۔ ایک عمل ایسا ہے کہ جس میں صالحین بن رہے ہیں اور دوسرا عمل ایسا ہے جس میں مجرمین پرورش پارہے ہیں ۔ لعب، لہو اور خوض یہ تین مصروفیتیں اور سرگرمیاں مجرم پرور اور مجرم ساز ہیں او ناکامی کے بنیادی اسباب ہیں ۔

 تولیدی ، پیداواری اور خدماتی کام اعمال صالحہ کے زُمرے میں آتے ہیں جیسے اگر کوئی پڑھ رہا ہے اور پڑھا رہا ہے اور تعلیم و تعلم اور تربیت کا عمل انجام پارہا ہے یا کوئی ہنر سیکھا یا سکھایا جارہا ہے یہ سب اعمال صالحہ میں شمار ہوتے ہیں ۔ ایسے اعمال جن میں ایک انسان کی پرورش اور نشونما کی جائے ، اس کی تعلیم و تربیت اور آموزش کی جائے ، اسے مہارتیں سکھائی جائیں اور اسے ایک مفید انسان بنایا جائے دین نے ان اعمال کے نہ صرف اعمال صالحہ کہا ہے بلکہ یہ اعمال برترین اور بالاترین اعمال صالحہ میں سے ہیں جنہیں قرآن نے تمام عبادتوں سے بالاتراعمالِ صالحہ قرا دیا ہے۔کچھ دیگر اعمال شکلاًانہی جیسے اعمال ہیں لیکن قرآن نے انہیں خوض ، لہو اور لعب کہا ہے جو کہ بیماریاں ہیں ۔

زمینی ہدایت

جن لوگوں نے قرآنیات میں محنت اور کوشش کی ہے انہوں نے قرآن کریم کے بہت سارے پہلو ذکر کئے ہیں جیسے قرآن کے فلسفی ، عرفانی ، تاریخی ادبی اور ملکوتی مسائل اور قرآن کے مختلف پہلو ذکر کئے ہیں یہ لوگ ان سارے مسائل میں اتنے مصروف ہوئے ہیں کہ قرآن کی اصل جہت قرآن جو کرنے اور بنانے آیا ہے وہ پہلونظر انداز ہوگیا ہے ۔ قرآن کریم کا اصل ہدف زمین پر رہنے والے انسان کی ہدایت ہے ۔ قرآن زمینی انسان کی ہدایت لے کر آیا ہے تا کہ انسان زمین پر درست جہت کے ساتھ سفر کرے اور زمینی زندگی کامرحلہ احسن طریقے سے طے کر کے اور پھر غیر زمینی حیات کے لیے آگے منتقل ہوجائے ۔ قرآن صرف اس زمینی زندگی ست اخروی زندگی کی طرف انتقال تک کے لیے ہے جہاں تک قرآن انسان کا ہاتھ پکڑکر لے جاتا ہے ۔ قرآن زمینی زندگی کو سنوار کے اور استوار کر کے اور اسی زمینی زندگی کے اندر اخروی زندگی بنا کے انسان کو رخصت کرتا ہے ۔ ہدایت کے باقی سارے پہلو بھی انسان کی اسی زمینی زندگی سے مربوط ہے مثلاََ معنویات اسی سے مربوط ہیں ، روحانیات اسی سے مربوط ہیں ، ملکوتی و عرفانی پہلو اسی سے مربوط ہیں ، فلسفی ابعاد اسی سے مربوط ہیں اور تاریخیچیزوں کا بھی اسی سے تعلق ہے ۔ ہدایت کو جو پہلا عنوان ملنا چاہیے وہ سماجی امور ہیں  یعنی ہدایت سماجی اور معاشرتی امورمیں سے ہے اور قرآن کا اصلی اور بنیادی ہدف یہی سماجی اور معاشرتی ہدایت ہے باقی اس سماجی پہلو کے لوازمات ہیں ۔

فلاحتِ قرآنی

قرآن کریم نے چند عنوان ذکر کئے ہیں جیسے عمل صالح ایک عنوان ہے اورفلاح ایک دوسرا الگ عنوان ہے ۔ قرآن مجید میں جابجا فلاح لفظ کا ذکر ہوا ہے :

 قد افلح المومنون، اولایکل ہموالمفلحون، قد افلحا من ذکا حا،۔۔۔

فلاحت سماجی اور اجتماعی عمل کا نام ہے۔ ہم مفلحون اور فلاح یا فتہ کا معنیٰ کامیاب کرتے ہیں چونکہ ڈپٹی نظیر احمد نے فلاح کا معنیٰ کامیاب کیا تھااس لیے اس کے بعد شیعہ، سنی، بریلوی ، وہابی اور اہلحدیث جو بھی قرآن کا ترجمہ اردو ، انگلش، پشتو، فارسی ، سندھی میں ترجمہ کرے گا اس نے فلاح کا معنی کامیاب ہی لکھنا ہے ۔ وہ ڈپٹی تھے اور باقی سارے ڈپٹی کے بھی ڈپٹی ہیں ۔

خود غور کریں کہ قرآ ن فلاح سے کیابیان کرنا چاہ رہا ہے ۔ اس کے کیا مراد ہے کہ تم فلاح کو اپنے پیش نظر اور مدنظر رکھو اور مفلحون بنو۔

فلاحت کھیتی باڑی کو کہتے ہیں لیکن جو کسان کرتے ہیں وہ لُغوی کھیتی باڑی ہے جیسے گندم ، مکئی ، گنا اور اسی طرح کی فصلیں اورسبزیاں اگانا لغت کی کھیتی باڑی ہیں مگر قرآن میں کھیتی باڑی سے مراد اُمت بنانا ہے، کارآمد لوگ بنانا ، متخصّص افراد تیار کرنا ،ماہرین بنانا اور مجاہدین بنانا جو علمی اور عملی جہاد کریں ، جو ارتقا کریں ، نشونمادیں اور اپنے معاشرے کا ستون بنیں ۔ عربی لغت میں مکئی کے ٹانڈے اگانا بھی کھیتی باڑی ہے۔ آپ نے مکئی نہ بھی دیکھی ہو بھٹے اور چھلیاں کھائیں ہوں گے ۔ جس شاخ کے سا تھ چھلی لگی ہوتی ہے اسے ٹانڈا کہتے ہیں ۔ مکئی کا یہ ٹانڈا اگا دینا بھی کھیتی باڑی ہے اور ایک عام بچے یا جوان کو دانشور ، سکالر ، سائنسدان اور معاشرے کا امام و پیشوا بنادینا قرآنی کھیتی باڑی ہے ۔ قرآنی فلاحت سے مراد یہ ہے کہ اپنی قوم کے لیے پہلے اپنے ملک کو تیار کرلو، اس کے لیے نظام بنائو، پھر اسے ہموار کرو ، اس کے اندر بیج کاشت کرو ، اس بیج کو اگائو، اس کو پانی اور کھاد دو ، اس کی نگہبانی کرواور جب یہ فصل اُگ کر تیار ہوجائے پھر یہ محصول اپنے قوم و اپنے ملک کو عطا کروتاکہ آپ کاملکی اور قومی نظام چلے ۔ یہ فلاحت ہے اور ایسا کرنے والے مفلحون ہیں ۔

مفلحون وہ نہیں ہیں جو نوکریوں کے لیے خلیج چلے جائیں ، یورپ بھاگ جا ئیں یا آدھے سمندروں میں غرق ہوجائیں اور باقی جیلوں میں پھنس جائیں ۔ یہ کہاں کے مفلحون ہیں ؟ یہ تو اولٰئک ھم الخٰسرون یعنی خسارے والی قوم ہیں جو خود کچھ بھی نہیں بناسکے ۔ ان کے لیے روڑ بھی چائنا آکر بنائے گا، ٹرینیں بھی چائنا بنائے گا اور ان کے بیٹھنے کے لیے رکشے بھی چائنا آکر بنا کر دے گا۔ یہ مفلحون نہیں ہیں جو کچھ بھی نہ بنا سکیں ۔ مفلحون وہ ہیں جنہوں نے اپنا سب کچھ خود اگا لیا ہے اور خودکفیل ہو گئے۔ مفلحون کی زمین اپنی ، بیج اپنا، کھیتی باڑی اپنی ، کاشت اور نگہداشت اپنی ، داشت اور برداشت اپنی محصول اپنا اور قوم بھی اپنی ہے۔ مفلحون وہ نہیں ہیں جو کاسۂ گدائی اٹھائے ہوئے کچھ امریکہ کے سامنے سجدہ کررہے ہوں ، کچھ ان عربوں کے سامنے سجدہ کررہے ہوں جو جانوروں سے بھی زیادہ بد تر ہیں اور کچھ کسی دوسری قوم کے سامنے سجد ہ کر رہے ہوں ۔ ہر ایک نے کاسۂ گدائی اٹھایا ہوا ہے کوئی مسجد بنانے کے لیے چندے مانگ رہا ہے ،کوئی مدرسے بنانے کے لیے چندے مانگ رہا ہے ، کوئی بجٹ بنانے کے لیے چندے مانگ رہا ہے اور کسی نے لوڈشیڈنگ ختم کرنے ہاتھ پھلایا ہوا ہے ۔ یہ لوگ خسارے میں ہیں اور ہلاک ہیں جو دو مرلے کی مسجد بنانے کے لیے بھی چندے مانگتے ہیں ، اپنا پاور سٹیشن بنانے کے لیے بھی دوسروں کے محتاج ہیں اور روڑ بنانا ہو تو پیسہ کسی سے مانگ کے لاتے ہیں ۔ آخر یہ بائیس کروڑ خود کیا کرنے کے قابل ہیں اور زمین پر اتنا بوجھ کس لیے ہے۔ وہ د ہقا ن اور باغبان جنہوں نے فلاحت انجام دینی تھی اور اپنی فصل اگانی تھی وہ اپنا کام بھول گئے اور پیشہ ور بن گئے۔ان باغبانوں نے قرآ ن کو نہیں سمجھا اور بھو ل گئے کہ انہوں نے کرنا کیا تھا جس کا نتیجہ یہ ہوا کہ مفلحون کی جگہ خسارے والی ، پسماندہ اور عقب ماندہ قوم بنادیا۔

قرآنی پیمانے

اعمال صالحہ کے مقابلے میں لہو، لعب اور خوض ہیں ۔یہ قرآن کے ترازو ہیں اور ان پیمانوں کو سمجھیں ۔ ہم نے اپنے آبائ سے ترازو لیے ہوئے ہیں اور انہی ترازئووں میں تولتے ہیں کہ ہم بھی پھنے خان ہیں ، ہمارا قوم قبیلہ بھی عظیم ہے اور ہماری نسلیں بھی اعلی ہیں اور ہمارے کیا کہنے ہیں ۔ ہم قرآنی ترازو کو سمجھیں اور پہلے اپنے آپ کو قرآنی ترازو میں تولیں کہ میں کتنے وزن کا ہوں اور کیا ہوں ۔ پہلے قرآنی ترازوؤں کے معنی اور مفاہیم کو درست سمجھنے کی ضرورت ہے ۔

لہو و لعب کو ایک غلط معنی جو رائج کر دیا گیا ہے وہ ہے کھیل کود ہے۔ کھیل کود میں کرکٹ کھیلنا، فٹبال کھیلنا وغیرہ معروف ہیں کہ یہ کھیل کود ہیں ۔ کھیل کو عربی زبان میں لہو و لعب نہیں کہتے بلکہ ریاضت کہتے ہیں ۔ عرب کھیل کے میدان یا سٹیڈیم کو  لعب کامیدان ، ملعب یا ملعبہ نہیں کہتے ہے بلکہ عرب  اس کو میدان الریاضہ کہتے ہیں یعنی ورزش اور ریاضت کا میدان ۔ اسی طرح عربی میں کُودنے کو فضا کہتے ہیں ۔ فض یعنی کودنا اور اچھلنا۔ نہ لہو کا مطلب کھیل کود ہے اور نہ ہی لعب کا مطلب کھیل کود ہے ۔لہو و لعب انسان کی مصروفیت اور کچھ کرنے کا نام ہے۔ لہو اور لعب دونوں کام ہے لیکن اس خصوصیت کے ساتھ کہ یہ دونوں بے مقصد ، بے فائدہ اور بے نتیجہ کام ہیں ۔ فلاحت امت سازی اور پرورش کا نام ہے۔ عمل صالح بھی ایک مصروفیت اور ایک عمل ہے اور لہوو لعب بھی انسان کے اعمال ہیں لیکن اس کی پہچان بے مقصدیت ہے ۔ اگر کچھ لوگ روڑ پر ، گلی میں ، چوراہے پر ،ڈرائنگ روم میں ، یا کسی مسجد ، حسینیہ یا مدرسے میں یا کسی حرم میں بیٹھے ہوئے اور گپیں لگا رہے ہیں ، لطیفے سنارہے ہیں اور مسیجز پاس کررہے ہیں تو ان کے اس عمل کو قرآن لعب کہتا ہے۔ لعب وہ مصروفیت، سرگرمی یا عمل ہے جس کے اندر کوئی مقصد نہ ہو اور لہو ایسی مصروفیت اور ایسا عمل ہے جو انسان کو مقصد فراموش کرا دے اور مقصد سے دور کردے ۔ خوض عملی مصروفیت بھی ہے لیکن زیادہ ذہنی اور زبانی کلامی مصروفیت ہے ۔ گپ شپ لگانا ، بات چیت کرنااور تبادلۂ خیالات کرنا خوض ہے۔ ایسے افکار ، ایسے مطالب اور ایسی باتیں جن کے اندر کوئی مقصدیت موجود نہ ہو ان کا تبادلہ کرنا خوض کہلاتا ہے۔

داستانِ خوض در قرآن

داستان خوض کو اگر قرآن میں جستجو کریں کہ قرآن نے خوض کوکہاں کہاں استعمال کیا ہے پھر جائزہ لیں کہ ہم کس قسم کی بیماری میں مبتلا ہوگئے ہیں ۔

سورۃ مبارکہ توبہ آیت ۷۹میں اللہ تعالیٰ نے لفظ خوض کو بیان فرمایا ہے جس میں منافقت کا سیاق پہلے سے چلاآرہا ہے ۔ سورہ توبہ میں منافقین کا ذکر بہت وضاحت کے ساتھ ہے ۔ اگر ربط کلام کے لیے آیہ ۶۴سے دیکھیں اللہ تعالیٰ کا فرمانا ہے :

ی ہضنوبآیات ۔۔۔۔۔۔۔

منافقین کے دل میں ہر وقت یہ کھٹکا ہوتا ہے کہ ان کے بارے میں کہیں کوئی آیت نہ اترآئے یا کوئی ایسی کوئی بات نہ ہو جس سے ان کا پول کھل جائے اور ان کا دوغلاپن مومنین کے لیے اور مسلمین کے لیے واضح ہو جائے۔ منافقین ہر لحظہ ڈرتے ہیں کہ کہیں ان کا نقاب ا تر نہ جائے ۔

Û”Û”Û”Û”Û”Û”Û”

منافق کی ایک علامت یہ ہے کہ غیر سنجیدہ رہتا ہے ، استہزا ئ کرتا ہے اور ہدایت کا تمسخر اڑاتا ۔ اللہ تعالیٰ کا فرمانا ہے کہ تم اس استہزائ میں مصروف رہو اور عنقریب جو کچھ تمہارے دلوں میں ہے وہ کھل کر باہر آجائے گا، بھانڈا پھوٹ جائے گا اور تم رسوا ہوجائوگے ۔

Û”Û”Û”Û”Û”Û”Û”Û”

اگر ان سے پوچھو کہ دین کا تمسخر کیوں اڑایاتو کہتے ہیں کہ ہم تو مذاق کررہے تھے ، گپ لگا رہے تھے ۔ ہم بیٹھے ہوئے تھے محفل سجی ہوئی تھی بیچ میں دین کا ذکر آگیاتو ہم نے یہ چند جملے بول دیے ۔

Û”Û”Û”Û”Û”Û”

 خوض منافقت کے محفل و مجلس کا عمل ہے ۔ منافقین اصل میں خوض کرتے ہیں اور دین کونقصان پہنچاتے ہیں اور جب ان سے پوچھا جائے اور ان کی بازپرس کی جا ئے تو کہتے ہیں کہ وہ تو ویسی ہی گپ چل رہی تھی اور گفتگو ہو رہی تھی کوئی سنجیدہ مسئلہ نہیں تھا ہم آپس میں ہنس رہے تھے اور ہنسی مذاق کی بات ہورہی تھی ۔

Û”Û”Û”Û”Û”Û”

ان سے کہیے کہ کیا اللہ ، اللہ کے رُسل اور اللہ کی کتاب ہی تمہارے کھیل کود اور ہنسی مذاق کے لیے رہ گئے تھے ۔ کیا تم نے فقط اللہ کا ، اللہ کے رسول کا ا ور اللہ کی آیات کا ہی مذاق اڑانا ہے تمہارے پاس ہنسی مذاق کے لیے اور کچھ نہیں بچا۔

Û”Û”Û”Û”Û”Û”Û”Û”Û”Û”Û”Û”

تمہارا کوئی عذر نہیں سنا جائے گا کیونکہ تم نے ایمان کے بعد کفر اختیار کیا ہے ۔

Û”Û”Û”Û”Û”Û”Û”Û”Û”Û”Û”Û”

ممکن ہے کہ تم میں سے کوئی گروہ جو دل سے توبہ کرے اسے معاف کر دیا جائے لیکن تم میں ایک گروہ مجرمین کا ہے جو پکے منافق ہیں ۔جن لوگوں نے محفل سجائی ہے اور تمہیں بھی خوض و لعب میں لے آئے ہیں انہیں معاف نہیں کیا جائے گا۔

Û”Û”Û”Û”Û”Û”Û”Û”Û”Û”Û”Û”Û”Û”Û”Û”

منافقین کو ہمیشہ ایک دوسرے مرتبط ہی سمجھیں ۔ یہ نہ کہیں کہ یہ الگ منافق ہیں اور وہ الگ منافق ہیں ۔ منافق کبھی جدا نہیں ہو سکتے ہی ایک دوسرے میں سے ہی ہیں ۔ یہ جس شہر میں بھی رہ رہے ہوں یہ حزبِ واحد ہیں اور ان کا رویہ، ان کا مقصد اور ان کا عمل ایک ہے۔

Û”Û”Û”Û”Û”Û”Û”Û”Û”Û”Û”Û”Û”

یہ لوگوں کو امر کرتے ہیں لیکن منکرات ، برائیوں اور بدیوں کا امر کرتے ہیں ۔

Û”Û”Û”Û”Û”Û”Û”

اور معروف سے لوگوں کو روکتے ہیں ۔

Û”Û”Û”

جہاں بھی لوگوں کی ضرورت پڑتی ہے وہاں یہ منافقین ہمیشہ پیچھے ہی رہتے ہیں ۔

Û”Û”Û”Û”Û”Û”Û”Û”Û”

یہ اللہ کو بھول گئے ہیں اور خدا نے انہیں بھلا دیا ہے۔

Û”Û”Û”Û”Û”Û”Û”Û”Û”Û”Û”Û”

منافق ہی فاسق ہیں ۔

Û”Û”Û”Û”Û”Û”Û”Û”Û”

اللہ نے منافق مردوں ا ور عورتوں کے ساتھ جہنم کا وعدہ کیا ہوا ہے ۔ یہ اسی میں رہیں گے اور یہی انجام ان کے لیے کافی ہے۔ خدا نے ان پر لعنت کی ہے اور ان کے لیے مقیم عذاب مقر ر کیا ہے۔

Û”Û”Û”Û”Û”Û”Û”Û”Û”Û”Û”Û”Û”

موجودہ زمانے کے منافقین کو کہا جا رہا ہے کہ تم کمزور منافق ہو اور تمہاری جماعت بھی کمزور ہے ۔ تم سے پہلے جو حزبِ منافقین تھی وہ تم سے زیادہ مضبوط تھے ۔ ان کے پاس مال بھی زیادہ تھا اور افرا د بھی زیادہ تھے۔

Û”Û”Û”Û”Û”Û”Û”Û”Û”Û”Û”

ان منافقوں کو بھی ہم فوراً رسوا اور ہلاک نہیں کیا بلکہ انہیں بھی لطف انداز ہونے کا موقع دیا ۔ انہیں بھی ہم نے کثرتِ مال اور فنڈ دیے اور موقع دیا کہ لطف اٹھا لیں اور انہوں بھی تمتع کیا یعنی اس موقع سے اپنے حصّے کا خوب لطف اٹھایا ۔

Û”Û”Û”Û”Û”Û”Û”Û”Û”Û”Û”Û”

تم بھی ایسا ہی کرو۔

منافقین موجود کو کہا جا رہا ہے کہ ہم تمہیں بھی موقع دیتے ہیں تم بھی لطف اٹھاؤ ۔ وہ بڑی حزبِ منافقین تھی اور تم چھوٹے منافق ہو۔ ہم نے انہیں موقع دیا اور انہوں نے اپنے حصّے کا لطف اٹھایا تم بھی اپنے حصّے کا لطف اٹھا لو۔

Û”Û”Û”Û”Û”Û”Û”Û”Û”Û”Û”

اور تم بھی اسی طرح خوض کرو جس طرح وہ خوض کر کے گزر گئے۔

وہ بھی مجرم تھے اور تم بھی مجرم ہو ؛ وہ بھی خوض میں ڈوبے رہے تم بھی خوض میں ڈوبے رہو۔

Û”Û”Û”Û”Û”Û”Û”Û”Û”Û”Û”Û”Û”Û”

ان کے اعما ل دنیا اور آخرت میں حبط ہو گئے ہیں ۔

مفہومِ حبط

حبطِ جانوروں کی بیماری ہے ۔ جب بہار آتی ہے اور چارہ زیادہ اگتا ہے تو جانور وہ چارہ مستی کے ساتھ اور ضرورت سے زیادہ کھاتا ہے اور صرف کھاتا نہیں چارہ لتاڑتا بھی ہے۔ اس نئے اگے ہوئے چارے کے اندر دو خصوصیات ہوتی ہیں ۔ ایک یہ کہ وہ چارہ کچا چارہ ہو تاہے ۔ انسانی خوراکیں بھی کچی ہوں تو نقصان دیتی ہیں ۔ کچی گندم کھانے کے قابل نہیں ہوتی پکی گندم کھائی جاتی ہے۔ مکئی بھی کچی ہو تو نقصان دہ ہوتی ہے اور پکی ہوئی فائدہ مند ہوتی ہے۔پھل اگر کچے ہوں تو نقصان دیں گے اور یہی پھل اگر پک جائیں تو خوش مزہ بھی ہوں گے اور آپ کو بہت ہی مناسب غذائیت بھی دیں گے ۔جانور بھو ک میں بعض اوقات تمیز نہیں کرتا کہ چارہ پکا ہے یا کچا ہے اور بہار کے موسم میں اکثر کچا چارہ کھا جاتاہے۔جانور یہ کچا چارہ ہضم نہیں کرسکتا جس کی وجہ سے اس کا پیٹ پھول جاتا ہے۔ دوسرا یہ کہ بہار کے چارے میں زہریلے کیڑے موجود ہوتے ہیں ۔ جانور چارہ کھانے کی مستی میں چارے کے ساتھ وہ کیڑے بھی کھا جاتا ہے۔ یہ کیڑے جانور کے پیٹ میں جا کر ہاضمہ خراب کر دیتے ہیں جس کی وجہ سے جانور کا ہاضمہ خراب ہو جاتا ہے اور جانور مسموم ہو جاتا ہے۔ بہت ہی حازق حکیم ہوں تو جانور کو اس بیماری سے بچا سکتے ہیں ورنہ عموماًجانور کا جب چارہ چرنے سے پیٹ پھول جائے تو بچتا نہیں ہے یعنی اس کی خوراک ہی اس کو مار دیتی ہے۔ اس بیماری کو عربی زبان میں حبط کہتے ہیں ۔

قرآن نے حبط کی بیماری انسانوں کے لیے ذکر کی ہے وہ بھی عام انسانوں کے لیے نہیں بلکہ ان کے لیے جنہوں نے کچھ عمل کیا ہوا ہے۔ بھوکا جانور کبھی حبط میں مبتلا نہیں ہوتا کیونکہ اس کے پیٹ میں ہے ہی کچھ نہیں ۔ وہ جانور پھٹ کر مرتا ہے جس نے خوب چارہ چرا ہے۔ حبطِ عمل اس کا نہیں ہوتا جس نے کوئی عمل کیا ہی نہیں ہے بلکہ حبط العمل اس کا ہوتا ہے جس نے بہت کچھ کر لیا ہے اور اسی عمل کے اندر ایک ایسا نا مناسب قدم اٹھایا ہے کہ وہ سارے اعمال اس کے پیٹ میں سوجن کا باعث بنے ہیں جس کی وجہ سے یہ پھٹ کر مر جائے گا۔ عموماً حبط کا معنیٰ ضائع ہونا لکھا جاتا ہے ۔ حبط کا مطلب ضائع ہونا نہیں ہے کہ عمل ضائع ہو جائیں گے بلکہ حبط کا معنیٰ ہے کہ عمل انسان کو ضائع کر دیں گے۔ جانوروں میں حبط کی بیماری سے مراد یہ نہیں ہے کہ چارہ ضائع ہو جائے گا بلکہ اس سے مراد یہ ہے کہ جانور ضائع ہو جائے گا۔ پس حبط وہ اعمال ہیں جو انسان کو تباہ کر دیں گے ۔

ہم روزانہ حبط ِ اعمال کرتے ہیں لیکن متوجہ نہیں ہیں ۔ قیامت میں جب ہمارے جرائم سے پردہ اٹھے گا تب پتہ چلے گا کہ جرائم کی وجہ سے ہماری کیا حالت ہو چکی ہے۔ اس وقت ہم سوچیں گے کہ ہم نمازیں بھی پڑھتے تھے، درس بھی پڑھتے تھے، کارِخیربھی کرتے تھے ، زیارتیں بھی کرتے تھے اور بھلائیاں بھی کرتے تھے پھر کیوں مجرم بن گئے جیسے کوئی جانور سوچے کہ میں نے تو ٹھیک ٹھا ک چارہ چرا میں کیوں مر رہا ہو ں ۔ یہ جانور چارے کی وجہ سے ہی مر رہا کیونکہ اس نے کچا اور کیڑے والا چارہ چرا ہے۔ انسان سوچے گا کہ میں تو کارِ خیر اور عبادتیں کرتا تھا میں کیسے مجرم بن گیا۔اس انسان نے انہی اعمال میں ایک حرکت اور کی ہے اور وہ خوض ہے۔ خوج حبط کا موجب بنے گا۔ انسان کا خوض انسان کو ہلاک کر دیتا ہے۔ انسان جرم نہیں کرتا نہ ڈاکے ڈالتا ہے اور نہ شراب پیتا ہے لیکن زندگی بے مقصد اور اوٹ پٹانگ میں اورگزار دیتا ہے جس کی وجہ سے زندگی تباہ ہو جاتی ہے۔ بعض اہلِ خوض توہمات میں مبتلا ہوتے ہیں یعنی اسی پر خوش ہوتے ہیں کہ وہ نہ ڈاکوہیں ، نہ کرپٹ ہیں ،نہ انہوں نے کسی کی دیوار پھلانگی ہے اور نہ کسی کامال چرایا ہے۔ واقعاً انہوں نے نہ کسی کی دیوار پھلانگی ہے نہ کسی کا مال چرایا ہے نہ کوئی اور جرم کیا ہے ، کسی یتیم بیوہ کا ما ل نہیں کھایا ، نہ ان پر کوئی کیس ہوا نہ کبھی تھانے گئے پھر کیسے یہ مجرم ہیں ؟ ان کا جرم یہ ہے کہ انہوں نے اپنی زندگی ضائع کی ہے۔ انہوں نے جو خوض کیا ہے یعنی بے مقصد اور لا یعنی کام کیے ہیں یہ بے مقصد کام بھی ڈاکے جتنے ہی نقصان دہ ہیں ۔ ان جرائم میں فرق یہ ہے کہ ڈاکہ ڈالنے اور قتل و غارت کرنے کے لیے حدود بھی ہیں ، سزائیں بھی مقرر ہیں لیکن خوض کے لیے سزا نہیں عذاب ہے۔ بیماریوں پر عموماً کوئی حد نہیں ہے کہ جیسے کسی کو ٹی بی ہوگئی تو چھ ماہ قید ہے، اگر کسی کو کینسر ہو گیا تو ایک سال قید ہو گی ۔ بیماریوں کے لیے اس طرح کی حدود نہیں ہیں لیکن بیماریوں کے لیے سزائیں ہیں جیسے زندگی کا خاتمہ۔ کینسر میں قید ار جرمانہ نہیں ہوتا لیکن زندگی کا خاتمہ ہو جاتا ہے۔ اسی طرح خوض کی حدود نہیں ہیں بلکہ خوض کا نتیجہ زندگی کا خاتمہ ہے۔ انسان خودغور کرے کہ کس کے ساتھ اٹھتا بیٹھتا ہے اور اس کا ارتباط کس کے ساتھ ہے۔

سب مومنین انفرادی اور اجتماعی طور پر اور خاندانی سطح پر غور کریں خصوصاً جنہوں نے چالیس سال یا ستر سال سے حزبیں اور تنظیمیں بنائی ہوئی ہیں وہ اپنے اعمال پر غور کریں ۔سالانہ جلسے، فنڈنگ، خرچے اور سب کچھ کر کے ستر سال بعد دیکھیں کہ انہوں نے اپنے ملک کے لیے اور اس قوم کے لیے کیا کیا ہے۔ ان حزبوں نے ستر سال قوم کو مشغول رکھ اور جوانوں کو بوڑھا کر دیا لیکن کیا کیا ہے؟ اگرتنظیموں کے اجتماعات اور کنونشنز سے نتیجہ کچھ بھی نہیں نکلا تو وہ سارے کنونشن خوض تھے ۔ستر سال سے ان تنظیموں اور حزبوں کے اعمال میں عملِ صالح نہیں تھا۔ ستر سال سے مسلسل جلسے اور کنونشن ہو رہے ہیں اگر ہر کنونشن سے ہر سال ایک نتیجہ بھی نکلتا تو آج پاکستان میں ستر نتیجے تو ہونے چاہیے تھے۔ اگر ستر سال میں ہر کنونشن میں ایک کھمبا ہی لگا دیتے تو ایک گاؤں میں کم از کم بجلی تو آ جاتی یا ستر سکول یا ستر ہسپتال بنا دیتے۔ کروڑوں اور اربوں روپے خرچ کیے اور قومی مال ڈبویا یہ خوض کا نتیجہ ہے۔ خوض اس طرح قوموں کو تباہ کرتا ہے۔

عزیزان ! خوض قوموں کو تباہ کرتا ہے۔ ہم اس بات پر خوش ہیں کہ ہم دہشت گرد تو نہیں ہیں ۔ ہم واقعاً دہشت گرد نہیں ہیں لیکن خائضین ہیں ۔

آج ہم خود اپنے آپ سے سوال کریں کہ اس ملک میں ایک کونے سے لے دوسرے کونے تک اس وقت کیا موجود ہے۔ اس ملک میں اتنی جمیعت ہے اور اس جمیعت کے اندر تشیع ایک جمیعتِ دیگر ہے یہ جمیعت اپنے ستر سالہ اثاثے گنے کہ اس وقت ہمارے پاس کیا ہے۔ کیا ہمارے پاس کوئی یونیورسٹی ، کوئی کالج یا کوئی اور ادارہ ہے یا کوئی قومی تعمیر و ترقی کا کوئی منصوبہ ہے؟ فنڈ اربوں میں آئے ہیں اور گئے ہیں ۔ لیکن فلاحت اور کاشتکاری نہیں ہوئی اس وجہ سے فصل نہیں اُگی اور کوئی محصول بھی نہیں ہے۔ یہ سب اس وجہ سے ہوا کہ وہ سارے اعمال خوض تھے ۔ امیرالمومنین ؑ کے استقبا ل کے لیے ایک گروہ آیا تھا جس نے امیر المومنین ؑ کے سامنے ناچنا شروع کیا ۔ امیر المومنین ؑ نے پوچھا کہ یہ کیا کر رہے ہو تو انہوں نے کہا کہ استقبال کر رہے ہیں ۔ حضرت ؑ نے فرمایا کہ یہ استقبال نہ امیر کے کام آئے گا اور نہ تمہارے کام آئے گا۔ یہ بھنگڑا تمہارے لیے دنیا کی مشقت اور آخرت کی شقاوت ہے۔ آج اس وقت ہمیں اپنی ملت کی اور ملک کی بنیاد بنانے کی ضرورت ہے اور تعمیر کی ضرورت ہے اور ہم ادھر بیٹھ کر حق ہو حق ہو کرتے رہیں اور اپنے قیمتی دن رات اسی میں گزار دیں اور پھر آخر میں کہیں کہ ہم نے کتنا ذکر کیا ہے تو یہ خوض ہے۔قرآن کے نزدیک یہ مقدس خوض ہے۔ ہم ابھی بھی اہلِ خوض ہیں اور اگر آج بھی خوض سے نکل آئیں تو غنیمت ہے۔ ستر سالہ خوض ایک سفر کے طور پر قوم کے دامن گیر ہو گیا ہے ا ٓج موجود نسل خوض سے نکل آئے اور لہو اور لعب نہ کرے۔

اگر ہم خوض سے نکل آئیں تو سات سالوں کے اندر پورا پاکستان تعمیر ہو سکتا ہے اور یہ میں ذمہ داری سے عرض کر رہا ہوں ۔ جامعہ العروۃ الوثقیٰ میں جو کچھ آپ کوبنا ہوا نظر ا ٓرہا ہے یہ سب سا ت سال میں بنا ہے ۔ یہ سب سات سال میں بنا کیونکہ اس کی تعمیرمیں قوم شامل نہیں تھی بلکہ قوم کے صرف سات بندے شامل تھے۔ ملت تشیع کے سات بندوں نے سات سال میں جامعہ العروۃالوثقیٰ جیسا عظیم ادارہ بنا دیا ہے اور اگر سات سو، سات ہزار یا سات لاکھ مومن ہمت کر لیں تو پھر آپ گمان کریں پاکستان کہاں ہو گا اور تشیع کہاں ہوگا۔یہ سات آدمی خوض سے نکلے ، انہوں نے آبائی خوض چھوڑا اور عملِ صالح انجام دیا تو اتنا ااثاثہ بنا لیا۔ اگر باقی ملت بھی خوض چھوڑے تو تعلیم، ترقی ، سائنس، ٹیکنالوجی ، علوم، سماج ، معاشرہ ، نظام اور ہر پہلو سے دنیا کی نمبر ون قوم ہیں ۔

خائضین سے اجتناب

سورہ ٔانعام میں آیت (۶۸) میں ہے ۔

وَإِذَا رَأَیۡتَ الَّذِینَ یَخُوضُونَ فِی آیَاتِنَا فَأَعۡرِضۡ عَنۡھُمۡ حَتَّیٰ یَخُوضُوا فِی حَدِیثٍ غَیۡرِہِ ج

بعض لوگ اپنی محافل میں دینی موضوع چھیڑتے ہیں ۔ انہوں نے دینی محفل سجائی ہوئی ہوتی ہے جس میں آیات قرآن اور آئمہ اور رسول اللہ ﷺ کی حدیثیں بیان کر رہے ہوتے ہیں لیکن خوض کر رہے ہوتے ہیں یعنی بے مقصد گفتگو میں لگے ہوئے ہوتے ہیں ، اور بے تکی تقریر جھاڑ کر مجمع اچھال رہے ہوتے ہیں ۔

وَإِذَا رَأَیۡتَ الَّذِینَ

جب تم دیکھو ان لوگوں کو

َ یَخُوضُونَ

جو خوض کر رہے ہیں

 فِی آیَاتِنَا

ہماری آیات میں ۔

 غور کریں یہ کن محافل کی بات ہو رہی ہے اور قرآن ہمیں کدھر متوجہ کر رہا ہے۔ ہم نے یہ آیات زندگی میں ہزار دفعہ پڑھی ہوئی ہیں کیا کبھی غور نہیں کیا کہ قرآن ہمیں کس سے بچانا چاہ رہا ہے۔ قرآن اسی سے بچانا چاہ رہا ہے ہم جس میں ڈوبے ہوئے ہیں ۔ ایسی مجالس میں ایک شخص منبر پر بظاہر آیاتِ قرآن، احادیثِ دین، احادیثِ رسول اللہ و آئمہ بیان کر تا ہے لیکن فقط عوام کو خوش کرنے اور مصروف رکھنے کے لیے بے مقصد، بے فائدہ اور بے ربط گفتگو کر تا ہے اور انٹ شنٹ بول کر فیس لے کر چلا جا تا ہے۔ اب قرآن آپ کو کیا کہہ رہا ہے۔

وَإِذَا رَأَیۡتَ الَّذِینَ یَخُوضُون

جب بھی دیکھو ایسے گروہ کو جو خود کر رہا ہے۔

 فِی آیَاتِنَا

ہماری آیات میں یعنی اللہ کی آیات میں تو آپ کیا کرو؟

 فَأَعۡرِضۡ عَنۡھُمۡ

ان سے کنارہ کش ہو جاؤ اور وہاں سے چلے جاؤ۔

 حَتَّیٰ یَخُوضُوا فِی حَدِیثٍ غَیۡرِہ

جب تک  وہ آیات کا اور دین کا مذاق اڑانا چھوڑ دیں اور کسی اور موضوع میں مصروف ہو جائیں ۔

وَإِمَّا یُنسِیَنَّکَ الشَّیۡطَانُ

اور اگر آپ اس محفل مجلس میں چلے گئے تو یہ شیطان تمہارے اوپر نسیان طاری کر کے تمہیں ان کی مجلس میں جا بٹھایا ہے۔

شیطان گھیر کے تمہیں اس خوض والی مجلس میں لے جائے گا۔

 فَلَا تَقۡعُدۡ بَعۡدَ الذِّکۡرَیٰ مَعَ الۡقَوۡمِ الظَّالِمِینَ

جب تم اس محفل میں پہنچ جاؤ اور پھر تذکر دیا جائے اور کوئی متوجہ کر دے کہ بھائی یہ تو خوض کی مجلس ہے تو فوراً وہاں سے اٹھ کے چلے جاؤ ۔ ایسے ظالم لوگوں کے ہمراہ مت بیٹھو، ان کی نشست میں مت جاؤ، ان کے پروگرام میں مت جاؤ کہ یہ اہل خوض ہیں ۔

خائضین سے تعلق

سورۂ زخرف آیت ۸۳میں  بھی خوض کا ذکر آیا ہے۔

 جو باتیں قرآن نے کفار، منافقین اور یہود سے نقل کی ہیں اس وقت متعصفانہ یہ شیعہ مجالس میں بیان ہو رہی ہیں ۔ اس وقت ان کے کفریہ نظریات تھے کہ اللہ کی اولاد ہے نعوذ باللہ عزیز اللہ کا بیٹا ہے اور مسیح اللہ کا بیٹا ہے یا ملائکہ کو کہتے تھے کہ یہ اللہ کی بیٹیاں ہیں نعوذباللہ۔  ابھی شیعہ منبروں کے اوپر یہی کفریات بیان کیے جا رہے ہیں مثلا ً کہتے ہیں العیاذباللہ علی رب ہے اور فاطمہ رب کی بیوی ہے اور نیچے بیٹھے ہوئے مومنین میں سے کسی کو بہت بری لگی تو نفرت سے فقط سر ہلا دیتا ہے۔ قرآن اتنا رد عمل نہیں چاہتا بلکہ اس سے زیادہ چاہتا ہے۔

آیت ۸۲میں ہے

قل۔۔۔۔۔یو عدوون

فَذَرۡھُمۡ یَخُوضُوا وَیَلۡعَبُوا حَتَّیٰ یُلَاقُوا یَوۡمَھُمُ الَّذِی یُوعَدُونَ (زخرف ۸۲)

انہیں خوض اور لعب میں غرق رہنے دو تم اہل خوض یا اہل لعب سے کنارہ کش ہو جاؤ ۔ بعض ایک بے ہودہ منطق یہ جھاڑتے ہیں اگر ہم ان کے اندر نہیں نہیں جائیں گے تو ان کو بتانے والا کون ہوگا۔ خوب آج  تک انہیں جو بتایا ہے کیا یہ اہل خوض اور اہل لعب آپ کی کوئی بات سنتے ہیں ۔ اب تو یہ لوگ بہت آگے چلے گئے ہیں چند دن پہلے جس علامہ ٹیٹو (عمار نقشوانی )کا ذکر کیا تھا اس علامہ ٹیٹو نے لندن میں ایک شراب خانے میں نوروز کا جشن منایا ہے ۔ لندن میں ایک مقیمِ لندن مومن کا شراب خانہ ہے۔ اس برطانوی مومن کی درآمد کا ذریعہ شراب بیچنا ہے۔ اس مومن نے اپنے شراب خانے کے اندر ویلنٹائین ڈے منایا ۔ ویلنٹائین ڈے شہوانی یورپی تہذیب کا شہوت رانی کا دن ہے جس دن شہوتیں آزاد ہیں ۔ اس دن ہر ایک کے ساتھ شہوت بازی کر سکتے ہیں اور ایک دوسرے کو علامتی پھول پیش کرتے ہیں ۔ ویلنٹائیں مغربیوں کی عید ہے جس دن لڑکے لڑکیاں آزاد ہیں اور ایک دوسرے کو چو متے ہیں ۔ لندن میں ایک مومن نے یہ عید برپا کی اور باقی برطانوی مومنین کو بھی دعوت دی۔ یہ مومنین وہاں شراب خانے میں جمع ہوئے اور علامہ ٹیٹو نے جا کر کوئی خاص عمل انجام دیا جو ویلنٹائین ڈے کا ایک مستحب عمل ہے۔ خوب یہ وہ کام ہے جو مسلمانوں اور مومنین میں آج برملا کر رہے ہیں ۔  دوسری طرف مومنین کی منطق ہے کہ اگر ہم ان کے ساتھ نہیں جائیں گے تو یہ اصلاح کیسے پائیں گے۔ تصوّر کریں کہ مومنین ویلنٹائین ڈے پر شراب خانے میں جا کے ا س بوس و کنار کا حصہ بن رہے ہیں اور کیونکہ اگر یہ نہ گئے تو وہ نجات کیسے پائیں گے۔ وہ نجات نہیں پائیں گے آپ ان کے ساتھ ڈوب جاؤ گے۔

 فَلَا تَقۡعُد

ہر گز ان کے ساتھ مت رہو۔

سورۂ زخرف میں اللہ تعالیٰ کا فرمانا ہے :

فَذَرۡھُمۡ یَخُوضُوا وَیَلۡعَبُوا حَتَّیٰ یُلَاقُوا یَوۡمَھُمُ الَّذِی یُوعَدُونَ

انہیں چھوڑ دو اپنے حال پر اور خوض اور لعب میں ڈوبا رہنے دو اور آپ اپنے کو نجات دو۔

 بہانے نہ ڈھونڈو کہ آپ انہیں نجات دینے کے لیے وہاں پر جا رہے ہو۔

خوض کا استعمال دیگر ہے سورۂمعارج میں

۔ میں یہ سب پڑھ دوں تاکہ خود سے مومنین زحمت نہیں کرتے نہیں جاتے قرآن کی طرف، نہ وقت ہے۔ کلپس صرف دیکھ لیتے ہیں دین کے کلپس۔

سورۂ معارج آیت بیالیس (۴۲) میں ہے

فذرھم۔۔۔۔۔۔

اسی مضمون کے ہمراہ ہے کہ جب انکو اہل خوض کو خوض میں اور لہو میں غرق دیکھو مبتلا تو اب انکو رہنے انکو اسی میں ڈوبا رہنے دو۔ یہ اہل خوض وہاں سے نکلنے والے نہیں ہیں تم اپنے آپ کو ان کیساتھ مت ملاؤ۔ اپنے آپ کو انکے ساتھ نابود نہ کرو۔

سور? طور میں آیت ۲۱

یوم۔۔۔۔۔۔

سور? طور یہ ویلا مردہ باد۔ سور? طور کہہ رہی ہے۔ مرگ بر مکذبین، مردہ باد مکذبین، جھٹلانے والے، نظرانداز کرنے والے، حق کو، دین کو، دین کے نظام کو پس پشت ڈالنے والے مردہ باد۔ یہ کون ہیں کب انسان دین جھٹلاتا ہے؟

فویلا۔۔۔۔۔۔یلعبون

یہ کیوں دین کیوں جھٹلا رہے ہیں اسلیے کہ خوض میں کھیلتے رہے ہیں خوض میں لعب میں مصروف ہیں ۔ لعب اور خوض نے انکو تباہ کیا ہے۔ یہ بے ہودہ بے مقصد گفتگوؤں میں ، بے ہودہ بے مقصد مجلسوں نے، بے ہودہ بے مقصد مطالعوں نے، نشستوں نے ان کو تباہ کیا ہے۔ خوضی نشستیں انہوں نے انکو ٖڈبویا ہے۔

سور? انعام میں آیت دیگر بھی ہے۔ آیت۱۹میں بھی ہے

وما۔۔۔۔۔۔۔یلعبون

یہ قرآن کریم میں اللہ تعالیٰ کا شدید غضب ذکر کیا ہے ایک تفکر کے بارے میں ۔ وہ لوگ جنہوں نے اللہ کی صحیح قدر نہیں جانی، اللہ کے بارے میں صحیح رائے کام نہیں کی، بدگمانی کی رائے قائم کی۔

ماکان۔۔ قدر

 حقِ قدر ادا نہیں کیا انہوں نے

جب یہ کہا

اذقالو۔۔۔۔۔شئی

کہ خدا نے بشر پر کچھ بھی نازل نہیں کیا۔ آسمان سے کوئی کتاب نہیں اتری

قل

انہیں جواب دیں کہ

من۔۔۔موسیٰ

اگر اللہ نے کوئی کتاب نازل نہیں کی ہیں پھر جو موسیٰ لے کر آئے ہیں وہ کیا تھا۔

نور۔۔۔ ہدی الناس

 نور اور ہدایت جو موسیٰ لے کر آئے پھر کیا تھا وہ

تجعل۔۔۔۔۔۔کثیرا

تم ان کاغذوں کو، ان قرادید کو، ان مسودوں کو اپنے مفادات کے لیے استعمال کرتے ہیں ۔ انکو جہاں جی میں آتا ہے ظاہر کرتے ہو، جہاں جی میں آتا ہے چھپا لیتے ہو تم موسیٰ کی کتاب کو۔

و۔۔۔۔۔۔ابائکم

اور تمہیں اس کتاب کے اندر وہ کچھ بتایا گیا جو نہ تم جانتے ہو نہ تمہارے آبائ۔

اولی اللہ۔۔۔ ا

اب رسول اللہ کو حکم ہے اس ماجرے کے لیے کیا کریں ۔ بعض مقابلے کے لیے تیار ہو جاتے ہیں ۔ اب توجہ کریں ۔ میں ابھی عصرِ حاضر کی مثال دوں گا آپ کو زیادہ تطبیق ہو جائے گی وہاں پہ چونکہ بند دماغ سے انسان کوئی تفویض نہیں کر سکتا۔ انسان لکیر کا فقیر بنا رہے تو یہ ہی نہیں پتہ چلتا کہ بات کا مصداق ہے کیا۔ رسول اللہ ﷺ پر اللہ تعالیٰ نے کتاب اتاری، جو یہود، متدین لوگ، مذہبی لوگ جو تھے یہ ان کی بات ہو رہی ہے، مشرکین کی نہیں ہے۔ یہ تفکر مذہبی تفکر ہے۔ جو دیندار ہونے کا دعویٰ رکھتے ہیں یہ ان کی ترجمانی قرآن کر رہا ہے کہ مدینہ کے اندر یہود تھے مذہبی تفکر رکھتے تھے۔ حضرت موسیٰ کی کتاب تورات کے پیروکار تھے یہ۔ اور قرآن کی جب آئی کہ قرآن اللہ تعالیٰ نے نازل کی تو کہتے تھے کہ نہیں یہ ،،،،،،،ہے، کوئی کتاب اللہ تعالیٰ نے نازل نہیں کی۔ بشر پر کتاب نازل ہی نہیں ہوسکتی۔ خود تورات کو مانتے ہیں لیکن جب رسول اللہ کے بارے میں بات آتی ہے، قرآن کی آتی ہے وہیں انکار کر دیا۔ تو انکو جواب دیا گیا کہ اگر بشر پر کتاب نازل نہیں ہو سکتی تو موسیٰ پر تورات کیسے نازل ہوئی اور کس نے نازل کی۔ تورات کو تو تم نے سنبھالا ہوا ہے اسکے کچھ مطالب تم ظاہر کرتے ہو کچھ چھپا لیتے ہو۔ وہ بھی پوری بیان نہیں کرتے۔ اسکے قرات ید،اسکی سندیں دستاویز بنائی ہوئی ہیں اپنے مقاصد کے لیے۔

تبدون۔۔۔تفعون

کچھ حصہ اسکا ظاہر کرتے ہو کچھ حصہ چھپا لیتے ہو۔ یہ کام کر رہے ہو لیکن جب رسول اللہ کی باری آتی ہے تو کہتے ہو کہ ان پر کوئی کتاب نازل نہیں ہوئی۔

چھوڑ دو، رسول اللہ کا حکم ہے۔ ان کو قانع کر سکتے ہیں ؟ نہیں ان کو کوئی بھی قانع نہیں کر سکتا۔ اتنے ہی آپ پابند بنا سکتے۔ اسے نہیں آپ مائل کر سکتے ہو آپ حق پر۔ یہ اہل خوض ہے، اہل لعب ہے۔ چھوڑ دو ان کو ڈوبا رہنے دو انک کاکام خدا پر چھوڑ دو۔ یہ مجرم بن کر جہنم میں آئیں گے اور پھر وہاں انہیں معلوم ہو جائے گا۔ خوب اسکی مثال کیا ہے۔

مذہبی خائضین

 آج ایک مذہبی طبقہ موجود ہے جو ہر مذہنی منحرف تعلیم کو مانتا ہے مثلاً صادق شیرازی کو مرجع مانتا ہے یعنی اس کی مرجعیت کا قائل ہے اور سید علی خامنہ ای کی رہبری کا قائل نہیں ہے ۔ دلیل ان کی یہ ہے کہ بشر اور غیر معصوم رہبر نہیں ہو سکتا ۔ان کے لیے غیر معصوم مرجعِ تقلید ہو سکتا ہے لیکن غیر معصوم رہبر نہیں ہو سکتا۔ بعض لوگ کوشش کرتے ہیں اس قسم کے تفکرات رکھنے والوں کے ساتھ مناظرہ کریں ، انہیں قائل کریں اور انہیں فلاں آغا یا عالم کے پاس لے جائیں تا کہ انہیں سمجھائیں اور ان کے شبہات دور کریں ۔قرآن کہتا ہے یہ نہیں ماننے والے اس لیے ان کو چھوڑ دو ۔ یہ نادان نہیں بیمار ہیں ۔ نادانوں کو سمجھایا جا سکتا ہے لیکن یہ بیمار ہیں جو خوض کی مرض میں مبتلا ہیں ۔ یہ مجرم کی مرجعیت کے قائل ہیں اور ایک پاکیزہ شخصیت کی رہبری کے قائل نہیں ہیں ۔ یہ ہر چیز کے قائل ہیں لیکن ولایت فقیہ کے قائل نہیں ہیں کیونکہ غیر معصوم ولی نہیں ہو سکتا۔ ان کے محلے میں جو مزار ہے وہ ان کے نزدیک ولی اللہ کا ہے۔ ابھی چند دن پہلے بلوچستان اور سندھ کا جھگڑا ہو گیااور شاید عنقریب جوتوں کی لڑائی بھی شروع ہو جائے ۔ سندھ اور بلوچستان کا بارڈر پر ایک وسیع رقبہ ہے جو سندھ والے کہتے ہیں کہ ان کا ہے اور بلوچستان والے کہتے ہیں یہ اُن کا ہے۔اس رقبے کا نام کتا قبر ہے جہاں کتا دفن ہے اور اس علاقے کے لیے سندھ اور بلوچستان دو صوبے ایک دوسرے کے سامنے آ گئے ۔ اسی طرح ایبٹ آباد میں ایک جگہ ہے جس کا نام کھوتا قبر ہے۔جس جگہ یہ قبر موجود ہے اس علاقے کا نام ہی کھوتا قبر ہے ۔ اس مزار ر چادریں چڑھی ہوئی ہیں م جھنڈے لگے ہوئے ہیں اور چراغاں ہوتا ہے ۔ عورتیں وہاں آتی ہیں اور ان کی کی حاجتیں پوری بھی ہوتی ہیں جبکہ انہیں معلوم بھی ہے کہ یہ کھوتے کی قبر ہے ۔ پاکستان میں کوئی بھی ذہنی توازن کھویا ہوا شخص مر جائے وہ ان کا ولی اللہ ہو جاتا ہے اور سید علی خامنہ ای ولی فقیہ بھی نہیں ہیں چونکہ یہ لوگ اہلِ خوض ہیں ۔ خدا وند تبارک و تعالیٰ نے خوض کو ایک مہلک اور مجرم پرور بیماری کے طور پر ذکر کیا ہے اور اس کے اثرات بھی ذکر کیے ہیں جو خسارہ ، ہلاکت، نابودی اور حبط ہیں ۔

اہلِ پاکستان کا خوض

ہم اگر پاکستان کی ستر سالہ تاریخ کا ملت ِ پاکستان اور ملتِ شیعہ دونوں عنوانوں سے جائزہ لیں اور اپنا مقام دیکھیں کہ ہمیں کس چیز نے ناکام ، محروم اور پسماندہ و عقب ماندہ کیا۔ ہمیں خوض کی بیماری نے پسماندہ رکھا ہوا ہے۔ آپ کی سیاست خوض ہے آپ کا میڈیا محض خوض ہے جو بے پر کی اور بے ربط کی اڑا رہا ہے اور انٹ شنٹ بول رہا ہے۔ قرآن اسی کو خوض کہتا ہے۔ ہمارے تعلیمی اداروں میں بھی خوض ہو رہا ہے آپ کالجوں یونیورسٹیوں کے فارغ التحصیل سے اسی کے مضمون کے دو سوا ل پوچھیں آپ کو پتہ چل جائے گا کہ تعلیمی اداروں میں صرف خوض ہو رہا ہے۔ استادکلاس میں خوض کر کے چلا جاتا ہے اور لڑکے لڑکیاں بھی خوض کر کے آ جاتے ہیں ۔ تعلیم خوض ، سیاست خوض ، میڈیا خوض ، مذہب خوض اور تہذیب بھی خوض اور اس خوض نے ہمیں یہاں پہنچایا ہے ۔ ان سب میدانوں میں فقط بے فائدہ اور بے مقصد مصروفیت ہے جس میں کوئی تولیدی کام نہیں ہے۔ ایک نسل خوض کرتی ہے اور دوسری لکیر کی فقیر ہے جو اس پہلی نسل کے پیچھے خوض شروع کر دیتی ہے۔

آپ سیاستدانوں کے جلسوں میں ان کی باتیں سنیں تو ان کی باتیں سن کر الٹی آتی ہے۔یہ دو جملے بھی سیدھے نہیں بول سکتے اور قوم کے لیڈر بنے ہوئے ہیں ۔ یہ خوض کرتے بھی ہیں اور کراتے بھی ہیں اور لوگ بھی گھنٹوں بیٹھ کر ان کو سنتے ہیں ۔ قرآن کہتا ہے کہ اس خوض سے نکلیں ۔ اصحاب الیمین جہنم میں مجرمین سے پوچھیں گے کہ تمہیں جس چیز نے جہنم پہنچادیا ۔ کامیاب، موفق اور مقصد پرپہنچی ہوئی قومیں ناکام قوموں سے پوچھ رہی ہیں اور پوچھیں گی کہ تم کیوں ناکام ہوئے اور کیوں مجرم بنے اور کیوں پس ماندہ و عقب ماندہ ہو تو جواب ہو گا کہ :

وَکُنَّا نَخُوضُ مَعَ الۡخَائِضِینَ

ہم نے نسل اندر نسل ساری زندگی خوض میں بسر کر دی ہے ۔

خوض سے نجات

 تقویٰ نجات دیتا ہے اور انسان کو خوض کے گندے دلدل سے باہر نکالتا ہے۔ جو اہلِ خوض ہیں وہ با تقویٰ نہیں ہیں ۔ دینی مدرسوں میں بھی خوض کا عمل کثرت کے ساتھ انجام پا رہا ہے۔ بڑے بڑے مراکز اور حوزوں میں بے فائدہ اور بے مقصد موضوعات پر گفتگو کر رہے ہیں جن کا نہ انسان کی دنیا سے کوئی ربط ہے اور نہ انسان کی آخرت سے کوئی ربط ہے، نہ معیشت سے کوئی ربط ہے اور نہ معاد سے کوئی ربط ہے۔ مدرسوں میں ایسے علوم پڑھ بھی رہے ہیں اور پڑھا بھی رہے ہیں اور ان علوم کے اندر ڈگریں بھی لے رہے ہیں ا ور خوض کے اندر ڈاکٹریٹ بھی ہو رہا ہے۔یہ ملت ی ناکامی کا سبب ہے۔ اگر ان علوم کے بجائے امامت کا سبق پڑھیں ، توحید کا سبق پڑھیں تو یہ سبق آپ کی دنیا بھی سنوار دے گا اور آپ کی آخرت بھی سنوار دے گا، آپ کو اس دنیا میں بھی عزت عطا کرے گا اور آخرت میں بھی نجات دے گا۔ ایسا سلیبس پڑھو کہ مفلحون میں سے ہو جاؤ۔

حالاتِ حاضرہ

حالاتِ حاضرہ میں اس وقت ملک کے اندر، دنیا میں اور خصوصاًاسلامی دنیامیں جو صورتِ حال موجود ہے بہت ہی حساس ہے ۔ ملک کے اندر کی صورتِ حال دیکھ آپ رہے ہیں کہ وہی غیر سنجیدہ سیاست، مافیائی جنگ ، اقتدار کی رسہ کشی اور سیاسی جوڑ توڑ اندر انجام پا رہا ہے جو بہت خوفناک ہے ۔سیاستدانوں نے انتخابات کے نام سے ڈھونگ رچایا ہوا ہے اور رچانے جارہے ہیں جس طرح پہلے بھی ہر انتخابات ملک کے لیے مضر ہی ثابت ہوئے آنے والے انتخابات بھی زیادہ مضر تر ثابت ہوں گے ۔

حالات کا تسلسل

پاکستان میں اقتدار کشی کی جنگ میں جو بھی جیتا پاکستان کے لیے نتیجہ ایک جیسا ہو گا۔

رسہ کشی میں مشغول نہ کردار نئے ہیں اور نہ چہرے؛ سب سابقہ سلسلوں کا تسلسل ہیں ۔

پاکستان استثنائی صورتِ حال کا شکا ر ہے اور امریکہ نے پاکستان کو سخت دبائو میں رکھا ہو ا ہے ۔ملک کے اندر کی صورتِ حال کافی حساسیت کی حامل ہے اور پاکستان کی سرحدیں غیر محفوظ ہیں ۔ سرحدوں پر مسلسل ایک جنگ کی سی کیفیت طاری ہے اور صبح و شام فائرنگ سے ہلاکتیں ہو رہی ہیں ۔ اس کشمکش میں پاکستان اقتصادی طورپر بالکل دیوالیہ ہونے کے قریب جا پہنچا ہے ۔ عالمی اداروں نے ۔۔۔۔۔۔۔۔۔۔ گر چکے ہیں اور پاکستان ناداری کی حد تک جا پہنچا ہے۔ مومنین آگاہ ہوں کہ ملک کے اندر جو شدید قسم کی بے نتیجہ رسہ کشی جاری ہے اس کا کوئی نتیجہ کوئی بھی نکلے اور جو فریق بھی کامیاب ہو جائے یہ تمام شقیں ملک و ملت کے لیے نقصان دہ ہیں اور تباہی کا باعث ہیں ۔ اقتدار کی ا س رسہ کشی میں یہ موازنہ نہ کریں کہ یہ ہوگیا تو بہت اچھا ہے اور وہ ہو گیا تو بہت بُرا ہے ۔ ایسا نہیں ہے بلکہ ہر صورت میں نتیجہ ایک جیسا ہی ہے کیونکہ یہ رسہ کشی جن طاقتوں کے درمیان ہے ان کا کردار نیا کردار نہیں  اور نہ یہ چہرے نئے چہرے ہیں جو ابھی کچھ کر دکھانے کے قابل ہیں بلکہ یہ سب انہی سابقہ سلسلوں کا تسلسل ہے ۔

غیر ملکیوں کی حکمرانی

 دوسرے ملکوں کے بارہ ہزار سے زائد شہری پاکستان پر بر سرِ اقتدار ہیں ۔

کوئی پاکستانی سیکرٹری نہیں بن سکتا کیونکہ امریکی پاسپورٹ والے سیکرٹری بنے ہوئے ہیں ۔

دوسری ملکوں کے شہری پاکستانی سیٹیں پاکستانیوں کے لیے خالی کر کے اپنے ملکوں میں نوکری کریں ۔

حکومتِ پاکستان نے باقاعدہ طور پر اعلان کیا ہے کہ اِس وقت ملک کے اندر جو افسر شاہی ہے یعنی ملک کی زمام جن وزیروں ، سیکریٹریوں ، جن پارلیمنٹریرین اور جن افسروں کے ہاتھ میں ہے ا ن میں سے بارہ ہزار کے قریب پاکستانی نہیں ہیں بلکہ غیر ملکی ہیں ۔ یہ بارہ ہزار پاکستانی نژاد ہیں یعنی نسلاًپاکستانی ہیں لیکن ان کی nationalityاور ان کے شناختی کارڈ پاکستانی نہیں ہیں بلکہ یہ دوسرے ملکوں کے باشندے ہیں ۔ یہ اعلان خود گورنمنٹ آف پاکستان نے کیا ہے ۔ دوہری شہریت دنیا میں فقط چند ملکوں کا قانون ہے بہت سارے ممالک کا قانون ایک ہی شہریت کا ہے ۔ جس نے امریکہ کی شہریت لے لی ہے وہ پاکستان کی شہریت بھی رکھ سکتا ہے اور امریکہ کی بھی شہریت رکھ سکتا ہے لیکن وہ امریکی باشندہ ہے ۔جس کے پاس کینیڈا کا پاسپورٹ ہے وہ کینیڈین ہے اور جس کے پاس یورپی پاسپورٹ ہے وہ یورپی ہے لیکن ادھر آکے حکومت میں اور بیت المال میں لگا ہوا ہے۔ جو ہے ہی غیر ملکی ، جس نے اپنی پاکستانی نیشنیلٹی ہی تبدیل کر دی ہے اور جس نے پاکستان کا پاسپورٹ باطل کر کے نیا پاسپورٹ لے لیاہے وہ اب پاکستان کے بیت المال آکر کیوں ہاتھ مار رہا ہے ۔ ایسے شخص کو نوکری کرنی ہے تو اپنے ملک میں جا کر نوکری کرے اور اپنی یہ سیٹ کسی پاکستانی کے لیے خالی کرے ۔ اگر کسی نے پاکستان کے اندر سیکرٹری بننا ہے تو پاکستانی نہیں بن سکتا کیونکہ امریکی پاسپورٹ والا سیکریٹری بنا ہوا ہے ۔پاکستانی کدھر جائے ؟ پاکستانی عربی قبرستانوں میں عربوں کی قبریں کھودے اور ان کے مردے نہلائے ۔

پاکستان کا المیہ

پاکستان کا دوسرے ممالک کی گرفت میں ہونا بہت بڑا المیہ ہے۔

کوئی چیز پاکستانیوں کے ہاتھ میں نہیں سب امریکہ، عربوں اور چائنا کے ہاتھ میں ہے۔

حکمرانوں نے ملک کو اقتصادی طور پر کنگال کر دیا ہے لیکن میڈیا یہ صورت حال بیان نہیں کرتا ۔ پاکستان کی صورتِ حال سب سے زیادہ خطرناک ہے ۔ علامہ اقبال کے بقول کہ تعجب یہ نہیں ہے کہ تو مسیحا نہیں ہے بلکہ تعجب یہ ہے کہ تیرابیمار دوسروں سے زیادہ بیمار ہے ۔

عجب ایں نیست کہ نفسِ مسیحا داری       عجب ایں است کہ بیمار تو بیمارتر است

تو بہت کچھ ہے، بڑا حکیم ہے اور دنیا کا بڑا ماہر ہے لیکن مشکل یہ ہے کہ تیرے ملک کی حالت دوسروں سے زیادہ خراب ہے ۔ تم ملک کی چارہ جوئی کرو اور فکر کرو ۔

 پاکستان دوسرے ممالک کی گرفت میں ہے او ر امریکہ ، یورپین ، عربوں اور چائنا نے پاکستان کے اوپر اپنا تسلط قائم کیا ہوا ہے ۔ یہ ایک بڑا المیہ ہے کہ پاکستانیوں کی کوئی چیز پاکستانیوں کے ہاتھ میں نہیں ہیں اور او راس کے بڑے گہرے اثرات ہیں ۔

یوم الارض

اس وقت عالمی حالات میں سب سے زیادہ افسوس ناک صورتِ حال  کشمیر اور فلسطین کی ہے ۔فلسطین میں تیس مارچ کو اہلِ فلسطین نے اپنا یوم الارض منایا ۔ یوم الارض منانے کا مطلب ہے کہ فلسطینیوں کی اپنی  سرزمین جس پہ اسرائیل کا قبضہ ہے اس سرزمین کی سرحد کی طرف انہوں نے علامتی مارچ کیا چونکہ انہیں اپنی سرزمین سے نکالا گیا ہے۔ یہ بہت عالی کام ہے جو فلسطینی ہر سال انجام دیتے ہیں ۔ اس سال انہوں نے یہ کام ذرا زیادہ اہتمام کے ساتھ کیا کیونکہ امریکہ نے اپنا سفارت خانہ بیت المقدس شفٹ کرنے کی بات کی ہے۔ امریکہ کے اس اعلان کے جواب میں اہلِ غزہ اور تمام فلسطینیوں نے یوم الارض کو ذرا منفرد انداز میں منانے کے لیے اقدام کیا ہے ۔ یوم الارض یعنی فلسطینی اپنی نسلوں کو یاد دلاتے ہیں کہ ہماری سرزمین یہ مہاجر کیمپ نہیں ہے بلکہ ہماری اصل سرزمین عرض مقدس ہے جس پر اسرائیل کا قبضہ ہے۔ اس سال لاکھوں فلسطینیوں نے غزہ سے اسرائیلی سرحد کی جانب جلوس نکالاجلوس نکالا جس پر اسرائیلی درندوں اور خونخواروں نے فائرنگ کی۔اسرائیلی فوج نے ان فلسطینیوں پر زمین سے ، طیاروں سے اور ڈرون کے ذریعے سے حملے کیے اور موقع پر سترہ فلسطینی شہید کر دیے اور چند ایک بعد میں شہید ہوئے اور پندرہ سوسے زیادہ کو زخمی کر دیا ۔

استقلا ل کی جنگ

اسرائیل نے تیس مارچ کو فلسطین پر بربریت دکھائی اور اس واقعہ کے ایک یا دو دن بعدیکم اپریل کو کشمیر کے اندر ہوبہو یہی عمل تکرار ہوا اور ہندوستانی فوج نے اہلِ کشمیر کے اوپر یلغار کی اور سترہ کشمیری شہید کر دیے ۔ سترہ فلسطینی تیس مارچ کو شہید ہوئے اور سترہ کشمیری یکم اپریل کو شہید ہوئے اور متعدد زخمی ہوئے البتہ کشمیریوں نے مقابلہ کیا، جوابی کاروائی کی اور ہندوستانی فوج کے کچھ لوگ ہلاک بھی کیے ۔ابھی دونوں یعنی کشمیر میں بھی اور فلسطین میں بھی ایک قیام اور مبارزے کی صورت ہے کہ جس میں تما م عورتیں ، بچے ، جوان سب کے سب میدان میں ہیں ۔ فلسطینیوں نے اِن شہادتوں سے اپنے اوپر گھبراہت طاری نہیں کی اور کشمیریوں نے بھی اِسی طرح بایں کہ کشمیریوں کے ساتھ بہت بڑی تاریخی خیانت ہوئی ہے ، بہت سارے خائنین نے کشمیر کے ساتھ خیانت کی ہے ، کشمیر کو بیچا ہے لیکن اہلِ کشمیر ابھی بھی اپنی آزادی ، عزت اور اپنے استقلال اور اپنی مستقل حیثیت کے لیے اپنی کوششیں جاری رکھے ہوئے ہیں او ر اس راہ میں شہادتیں دے بھی رہے ہیں اورمزید شہادتیں دینے کے لیے تیار ہیں ۔اس وقت فلسطین اور کشمیر کے حالات میں مشابہت ہے اور دونوں محازوں پر ایک جیسی صورت حال بنی ہوئی ہے جس کی وجہ یہ ہے کہ ہندوستانی حکومت اور اسرائیلی حکومت میں اس وقت گہرا دوستانہ ہے اور دونوں محاذوں پر ایک جیسی صورت حال ہے۔

آنکھوں میں دھول

اسرائیلی بھارتی مظالم سے زیادہ افسوسناک مسلمانوں کی خاموشی ہے ۔

اسرائیل اور بھارت کے فلسطین اور کشمیر پر مظالم پر طرہ اور مظالم سے بھی زیادہ افسوس ناک یہ کہ پورا جہاں اسلام خاموش ہے ۔ سوائے چند گروہ اور حزبوں کے جن کا کام اپنے آپ کو میڈیا میں حاضر رکھنے کے لیے ایسے موقعوں پر بیانیہ داغنا ہے ۔ انہوں نے فلسطین کے ساتھ یکجہتی کے بیانیے داغ دیے اور اس افواہ کے علاوہ جو منہ سے اڑائی ہے انہوں نے کچھ بھی نہیں کیا۔ ایسے گروہوں نے نہ کشمیر کے لیے کچھ کیا ، نہ فلسطین کے لیے کچھ کیا ، نہ ان کی کوئی مدد کی اور نہ ہی ان کے لیے کوئی ہمدردی دکھائی ۔ اسلامی سربراہی تنظیم اور عرب لیگ نے بھی کچھ نہیں کیا اور نہ ہی مسلمان حکمرانوں نے کوئی بیان دیا البتہ بیانات میں ایک جھڑپ ضرور ہوئی ہے جس میں تُرک صدر نے اسرائیلی جلاد نیتن یاہوکو بُرا بھلا کہا ہے اور اس نے جواباََ طیب اردوان کو برا بھلا کہا ہے ۔ یہ عالمی سطح پر ایک مسلمان حکمران کے اظہارات تھے جو صرف لفاظی کی حد تک تھے۔ترکی کا سفارت خانہ ابھی بھی اسرائیل کے اندر ہے اور اسرائیل کا سفارت خانہ ابھی بھی ترکی کے اندر موجود ہے ۔ ان دونوں ممالک کے درمیان اعلیٰ سطح کا تجارتی اور تسلحاتی معاہدہ ہے اور ترکی اسرائیل سے بہت بڑا اسلحہ لیتا ہے۔ بہرکیف یہ ڈرامہ بھی رچاتے ہیں کہ اندر در پردہ ان کے آپس میں تعلقات ہیں اور لوگوں کی آنکھوں میں دھول جھونکنے کے لیے بیان بھی داغتے ہیں ۔

ۡۡذلیل ترین کردار

عالمِ اسلام میں اس وقت منحوس ترین کردار آلِ سعود کا ہے۔

بن سلمان حمار فلسطینیوں کی شہادت پر اسرائیل کے حق میں بیان دے رہا ہے۔

اس وقت دنیا میں سب سے زیادہ ذلیل کردار عربوں کا ہے اور عربوں میں بھی جو اس وقت جو ننگِ عربیت اور ننگِ اسلام ہے وہ آلِ سعود ہیں ۔ اس منحوس اور خبیث خاندان نے ساری حدیں پار کر دی ہیں ۔ اس وقت محمد بن سلمان حمار امریکہ میں ہے اور امریکہ میں اِس نے دو تین انٹرویو دیے ہیں اور وہیں پر اس نے اسرائیل کے وجود کو تسلیم کر لیا ہے ۔ حالیہ قتلِ عام کے بعد اس نے بیان دیا ہے کہ جس طرح ہر ملک اپنی زمین پر حق رکھتا ہے اور ہر ملک کے باشندے اپنے ملک میں رہ سکتے ہیں انہیں آزادی ہے اسی طرح اسرائیل کو حق حاصل ہے ۔ اس حمار نے باقاعدہ طورپر اسرائیل کے حق میں اور فلسطین کی مذمت میں بیان دیا ہے ۔ یہ آلِ سعود سب سے زیادہ ننگین لوگ ہیں ۔

خدمت کا صلہ

 عرب امارات کے سکیورٹی چیف نے پاکستانیوں کو عرب امارات کے لیے خطرناک قرار دے دیا ۔

جن پاکستانیوں نے عرب ملک تعمیر کیے انہیں عربوں کی طرف سے خدمت کا یہ صلہ ملا۔

عرب امارات کے سکیورٹی چیف نے پاکستان کو نوازا ہے جس طرح ہر چند ماہ کے بعد وہ پاکستان کی آؤ بھگت کرتے ہیں ۔ اس نے عربی ملکوں کے لیے سب سے بڑا خطرہ پاکستانیوں کر قرار دیا ہے اور کہا کہ پاکستانی ہمارے ملک کے لیے خطرناک ہیں کیونکہ انہوں نے ہمارے ملک میں منشیات منتقل کیں ، اسلحہ لے کر آتے ہیں ، چوری چکاری کرتے ہیں ۔ اس نے مزید کہا کہ ہمارا قومی فریضہ ہے کہ پاکستانیوں کو امارات میں نہ آنے دیا جائے یعنی پاکستانیوں کا قدم نہ عربی سرزمین پر پڑنے دیں ۔ یہ پاکستان کو خدمت کا صلہ ہے جو انہوں نے پاکستان کو دیا ہے۔ آپ کو معلوم ہے کہ پاکستانیوں نے اپنے ہاتھوں سے یہ عرب ملک بنائے ہیں ۔ پاکستانیوں نے ان کے محل ، ان کے گھر بنگلے اور ان کے بُرج بنائے اور اب ان کے کچن اور باغ کے کام بھی کرتے ہیں ، ان کی کاریں دھوتے ہیں ، اُن کے اونٹ پالتے ہیں  ، ان کے ٹوائلٹ صاف کرتے ہیں اور ان کے لیے ہر ذلت اٹھا رہے ہیں ۔ ان عربوں کی طرف سے پاکستانیوں کو یہ تمغہ ملا کہ یہ خطرناک لوگ ہیں او ر ا ن سے بچا جائے۔ اگر اپنی حکومت بچانی ہے، اپنی سرزمین بچانی ہے تو پاکستانی کا داخلہ عربی ملک میں ممنوع قرار دیا جائے ۔

کشمیر و فسطین

ہندوستان اسرائیل گٹھ جوڑ کی وجہ سے فلسطین اور کشمیر کی صورت حال ایک جیسی ہو گئی ہے۔

حکومتیں اور حکمران خائن ہیں لیکن افسوسناک یہ ہے کہ ملتیں بھی مظالم پر خامو ش ہیں ۔

مسلمان حکمران دونوں موضوعات سے لا تعلق اور دونوں سے خیانت کار ہیں ۔

فلسطینیوں نے چالیس سال عربوں پر اعتماد کیا پھر سمجھ گئے کہ عرب حکمران خائن ہیں ۔

فلسطینیوں نے اپنی سرزمین کی طرف واپسی کی تحریک کی آبیاری شہادتوں سے کی ہے۔

حکمرانوں کے خیانتوں کے بعد کشمیری ملت سمجھ گئی ہے کہ آزادی کا ملت نے سفر خود طے کرنا ہے۔

فلسطین اور کشمیر میں ایک جیسی صورتِ حال پیدا ہوگئی ہے اور یہ اس معاہدے کی وجہ سے ہے جو ہندوستان اور اسرائیل کے درمیان ہے اور دونوں کے مقابلے میں مسلمانوں کا رویہ ایک جیسا ہے ۔ مسلمان دونوں سے لاتعلق، دونوں سے اجنبی اور دونوں موضوعات سے خیانت کار ہیں ۔ حکومتیں اور حکمران خائن ہیں لیکن افسوسناک یہ ہے کہ ملتیں بھی خائن ہیں اور ملتیں بھی خامو ش ہیں ۔ کسی ملت کی طرف سے بھی کوئی خاص ردِ عمل نہ فلسطین کے لیے ظاہر ہوتا ہے نہ کشمیر کے لیے ظاہر ہوتا ہے لیکن دونوں قوموں نے خود سے عزم کیا ہوا ہے ۔ کشمیریوں کو دیر سے اس بات کا احساس ہوا ہے لیکن فلسطینیوں کو پہلے ہو گیا تھا۔ فلسطینی تقریباً چالیس سال تک عرب حکومتوں اور عرب اقوام پر اعتماد کرتے رہے اور قدس اور فلسطین کو عربی مسئلہ بنا کر آزاد کروانا چاہتے تھے لیکن خیانت کاروں کی خیانت کے بعد سمجھ گئے اور سنبھل گئے کہ یہ خائن ہیں اور ہمیں فروخت کرنے کے لیے تیار ہیں ۔ مصر نے فروخت کر دیا ، اُردن نے فروخت کر دیا، مراکش نے، باقی عرب ملکوں نے ایک ایک کر کے فلسطین کے مسئلے کو فروخت کیا اور اب باقی خلیجی ممالک بھی اسرائیل کے ساتھ رابطے کے لیے تیار ہیں بلکہ انہوں نے رابطہ کر لیا ہے ، اور کھل کے سرِ عام کر لیا ہے اورفلسطین فروخت کر دیا ہے ۔ فلسطینی میدان میں ہیں اور جب عرب حکمرانوں نے منہ موڑا تو فلسطینیوں نے یہ جلوس نکالا جس کا عنوان تھا اپنی اصلی سرزمین کی طرف واپسی۔ فلسطینیوں نے یہ ریلی نکالی اور شہادتوں سے اس کو آبیاری دی اور یہ شہادتیں اس قیام کو مزید پائیدار بنائیں گی ۔ کشمیریوں نے دیر سے سمجھا لیکن سمجھ گئے ہیں کہ ہمیں خیانت کاروں کے اوپر اعتماد نہیں کرنا چاہیے ۔ کشمیری عوام، کشمیری جوانان ، کشمیری ملت خود متوجہ ہیں کہ انہوں نے اپنے زورِ بازو سے اپنا حق حاصل کرنا ہے ۔ ہماری دعائیں ان دونوں مظلوم ملتوں کے لیے ہیں کہ خداوندتبارک وتعالیٰ انہیں ظالم حکومتوں اور حکمرانوں سے نجات عطا فرمائے ۔

بن سلمان کی حماقتیں

اسی طرح موضوعِ دیگر بن سلمان حمار کا تیزی سے حماقتوں کا سفر ہے ۔ سلسلہ ِ آلِ سعود کو ختم کرنے کے لیے بن سلمان نے جو حماقتیں شروع کی ہوئی ہیں وہ بہت دلچسپ ہیں ۔ اس وقت دنیا کے سیاسی scenarioمیں یہ سکرپٹ سب سے زیادہ مقبول ہے اور ساری توجہ اس کی طرف لگی ہوئی ہے ۔ بن سلمان امریکہ گیا ہے اور امریکہ میں جا کر اس نے دو امریکی مطبوعات کو انٹرویو دیا ہے ۔ دونوں انٹرویو کے اندر جو کچھ اس نے اُگلا ہے وہ بہت ہی شرمناک ہے ۔ اس نے یہ بھی کہا ہے کہ اسرائیل کا اپنی سرزمین پہ حق ہے یعنی فلسطین کا کوئی حق نہیں ہے ۔اگر اس سرزمین پہ اسرائیل کا حق ہے تو اس کا مطلب یہ ہے کہ فلسطین کا کوئی حق نہیں ہے ۔ بن سلمان نے کھل کے کہا کہ اسرائیل اور ہمارے مفادات مشترک ہیں ۔

بن سلمان کے مطابق اسرائیل سعودی عرب کا دوست اور ایران دشمن ہے۔

اسرائیل اور سعودی عرب مل کر ایران کے ساتھ جنگ کی تیاریوں میں مصروف ہیں ۔

بن سلمان نے امریکی مجلے کو انٹرویو میں  ایک بیان دیا جو پاکستانی اخباروں میں بھی چھپا ہے  کہ سعودی عرب اور اسرائیل کا دشمن ایک ہے اور وہ ایران ہے ۔ اس نے کہا کہ ایران سعودی عرب اور اسرائیل کا مشترکہ دشمن ہے اوراس کے مقابلے میں سعودی عرب اور اسرائیل نے ایران کے خلاف ایک strategyبنانی ہے اور یہ دونوں آپس میں ہر پہلو سے ہم آہنگ ہو رہے ہیں ۔ایک اور بیان اس نے یہ دیا ہے کہ دس سے پندرہ سال کے اندر ایران کے خلاف جنگ شروع ہو سکتی ہے ۔ یعنی ایک طرح سے اس نے اعلان جنگ کردیا ہے۔بن سلمان کے مطابق سعودی عرب کو اسرائیل سے کوئی خطرہ نہیں بلکہ وہ ان کا دوست ہے، خطرہ سارا ایران سے ہے کیونکہ اور ایران دہشت گرد ہے اور دہشت گردی پھیلا رہا ہے اس لیے ایران کے ساتھ جنگ کے لیے تیاریاں ہورہی ہیں ۔ انہی تیاریوں کے لیے وہ انتالیس ممالک کی فوج ، کرائے کے جرنیل اور باقی حکومتیں خریدی جا رہی ہیں ۔ ٹرمپ بن سلما ن کو اکسا رہا ہے اور یہ حمار اور میڈیا کا کارٹون جنگ کی تیاریاں کر رہا ہے ۔ یہ جنگجو کمپیوٹر گیم کا کارٹون ہے جسے بچپن سے کمپیوٹر گیم کا بہت شوق تھا اور یہ کمپیوٹر گیم کا بڑا ماہر ہے ۔ ایک طرف سے کمپیوٹر کھیلتا تھا اور ایک طرف سے یہ کھیلتا تھا اور کمپیوٹر کو ہمیشہ شکست دے دیتا تھا۔ اب امریکہ نے اس کو تیار کیا ہے اور یہ عملی جنگ کے اندر آگیا ہے اور ایران کے خلاف نبرد کے لیے تیاری کر رہا ہے ۔

بے اثر فضلہ

 آلِ سعود کے مظالم کی خبریں نشر؛ عربوں کا فضلہ پاکستانی میڈیا میں اپنا اثر کھورہا ہے۔

سعودی عرب نے تاریخی جنایتیں کیں لیکن پہلے پاکستانی میڈیا ہمیشہ چھپا کر رکھتا تھا۔

بن سلمان نے امریکہ میں جو بیان دیے وہ پاکستان کے اخباروں میں بھی چھپے ہیں ۔ پاکستان میں یہ پہلی دفعہ ہوا ہے کہ عربوں کا فضلہ اپنا اثر کھو رہا ہے جیسے بعض دفعہ ہوتا ہے کہ دوائیں کھاتے ہیں لیکن ٹھیک نہیں ہوتے چونکہ جعلی اور ملاوٹ والی ہوتی ہیں اور اثر نہیں کرتیں ۔ اسی طرح کچھ کھادیں فصل میں ڈالتے ہیں لیکن فصل نہیں اگتی کیونکہ کھاد ملاوٹ والی ہے جو اثر نہیں کرتی۔مچھر پر ملاوٹ والا سپرے کرتے ہیں تو مچھر مرتا نہیں ہے بلکہ ہنستا ہے اور مذاق اڑاتا ہے کہ تم نے جو دھواں چھوڑا ہے ا س کا مجھ پہ کوئی اثر نہیں ہے ۔ اسی طرح پہلے عرب اپنا فضلہ پیسہ پاکستانی گروہوں ، مذہبیوں اور دوسروں کو دیتے تھے اور یہاں پر انہوں نے بہت شیطنت کروائی ۔ عرب مطبوعات کو، میڈیا کو پیسہ دیتے تھے اور یہ فضلہ خور میڈیا پیسہ لے کر سعودی عرب کے خلاف کبھی بات تک نہیں کرتے تھے ۔ سعودی عرب نے تاریخی جنایت اور ظلم کی حد کی لیکن کبھی بھی پاکستانی میڈیا نے ان کی بات نہیں کی اور ہمیشہ ان کے مظالم کو چھپا کے رکھا۔ اب لگتا ہے وہ فضلہ اپنا اثرختم کر رہا ہے اور پاکستانی میڈیا نے آہستہ آہستہ عربوں کی خبریں چھاپنا شروع کر دی ہیں ۔ ابھی بھی میڈا والے تبصرے نہیں کرتے لیکن خبریں چھاپتے ہیں ۔ یہ ساری خبریں جوآپ کے سامنے بیان ہوئی ہیں یہ پاکستانی اخباروں کی سرخیاں ہیں جو انہوں نے چھاپیں کہ بن سلمان نے امریکہ میں یہ بیان دئے ہیں ۔

حماقتوں کا دفاع

شاہ سلمان بیٹے کے بیانا ت پر پردہ ڈال کر گندگی چھپانا چاہتا ہے لیکن چھپ نہیں رہی۔

محمد بن سلمان احمق ہے اور اس کا باپ لوڈشیڈنگ کا مریض ہے ۔ شاہ سلمان اس کو ایک خاص قسم کی بیماری ہے (اللہ اس کو شفا ئ نہ دے) جس میں اس کا اپنے دماغ کے ساتھ تعلق تھوڑی دیر لے لیے کٹ جاتا ہے ۔ اس وقت اس کا دماغ بالکل آف ہو جاتا ہے اور اس کو کوئی چیز سمجھ نہیں آتی ۔ تھوڑی دیر بعد جب اس کا اعصابی نظام بحال ہوتا ہے تو یہ دوبارہ ہوش میں آجاتا ہے ۔ اس کی یہ بیماری دائمی ہے جس میں یہ کچھ دیر لوڈ شیڈنگ میں ہوتا ہے پھر کچھ دیر کے بعد ہوش میں آتا ہے ۔ شاہ سلمان کو جب بتایا گیا کہ تیرے جانشین نے امریکہ میں یہ بیان دیے ہیں تو اس نے تھوڑا گھول مول کرنے کی کوشش کی ہے اور فلسطینیوں کے حق میں بیان دیا ہے ۔ شاہ سلمان کوشش کرتا ہے کہ کسی طرح اپنے جانشین کی گندگی کو چھپائے لیکن وہ گندگی چھپتی نہیں ہے جو بن سلمان برملا کر رہا ہے ۔

بے شعوری

حرمین تمام امت اسلامیہ کے لیے مقدس؛ بن سلمان حرمین کی حرمت پائمال کر رہا ہے۔

اے کاش پاکستانیوں میں حرمین کی حرمت کا احساس پیدا ہو کہ کون حرمین پر حکومت کر رہا ہے۔

اس وقت خبروں میں مشاہدہ کیا جا سکتا ہے کہ آلِ سعود کے بہت سارے مخالفین بن سلمان کا شکریہ ادا کر رہے ہیں اور یہ بھی ایک تعجب کی بات ہے ۔ شکریہ ادا کرنے سے مراد یہ ہے کہ وہ حقائق جو دنیا نہیں جانتی تھی اب بن سلمان کی زبان سے نکل رہے ہیں اور دنیا آگاہ ہو رہی ہے ۔ پاکستانی میرے خیال میں سب سے آخر میں مانیں گے یا شاید پھر بھی نہ مانیں کیونکہ یہ ابھی بھی حرم کے دفاع کے لیے بندوقیں تیا ر کر کے کھڑے ہوئے ہیں ۔ پاکستان میں شراب کا ٹینکر ابھی بھی ملت کو حرمین کے دفاع کے لیے تیار کر رہا ہے اور کہ رہا ہے کہ سعودی عرب جو کچھ کر رہا ہے کہ حرمین کے تقدس کے لیے کر رہا ہے ۔ ان میں شعور نہیں ہے کہ حرمین میں اور آلِ سعود میں فرق کر سکیں ۔ حرمین تمام اُمت ِ اسلامیہ کے مقدسات میں سے ہیں اور بن سلمان انہی کی حرمت کوپائمال کر رہا ہے ۔اے کاش پاکستانی مسلمانوں میں حرم کی حرمت کا احساس پیدا ہو جائے کہ حرم کے اوپر یہ کون لوگ قابض ہیں جو کھل بندوں حرم کی بے حرمتی کر رہے ہیں ۔

وہابیت کی بنیاد

وہابیت کی بنیاد آلِ سعود نے امریکہ اور مغرب کے کہنے ررکھی؛ بن سلمان کا اعتراف

امریکہ کو کمیونزم کو روکنے کے لیے شدت والے مذہب کی ضرورت تھی جسے آلِ سعود نے ترویج دیا۔

بن سلمان نے امریکہ میں اپنے بیانات میں سے ایک بیان اور بھی دیا جس میں اعتراف کیا کہ آلِ سعود نے امریکہ اور مغرب کے کہنے پر وہابیت کو بنایا اور فروغ دیا ہے۔ یہ آلِ سعود کے ولی عہد کا کہنا ہے جو مقتدر ہے اور عملاً سعودی عرب کا سربراہ ہے۔ بن سلماب کی یہ بات بھی پاکستانی میڈیا میں چھپی ہے ۔ بن سلما ن نے وہابیت کو پھیلانے کی وجہ بھی بتا ئی کہ اس وقت یورپ نے عربوں سے کہا کہ انہیں  کیمیونزم کے مقابلے کے لیے مذہب کی ضرورت ہے اور وہ بھی تشدد والے مذہب کی ضرورت ہے توآلِ سعود نے کہا کہ ایسا مذہب ان کے پاس ہے ۔ پھر آلِ سعود نے اپنی ساری دولے اور سرکاری پیسہ وہابیت کی ترویج کے لیے استعمال کیا اور دنیامیں یہ مذہب پھیلایا اور اس کو عروج پہ چڑھایا ۔ یہ اس خاندان کے گھنائونے کام ہیں جو آج خود اُگل رہے ہیں اور دنیا کو بتا رہے ہیں کہ وہ کیا کر رہے ہیں ۔

یمنی مقاومت

بن سلمان نے یمن کی جنگ کو کمپیوٹر گیم سمجھ کر پلان کیا اور سارا نقشہ الٹ ہو گیا۔

بن سلمان کو معلوم نہیں تھا کہ سامنے اپنی سر زمین سے محبت کر نے والی غیرت مند ملت موجود ہے۔

اس وقت آلِ سعود پر بوکھلاہٹ طاری ہے جس کی وجہ سے بن سلمان اسرائیل کے ساتھ دوستی میں جلدی کر رہا ہے، امریکہ کے پائوں چاٹ رہا ہے ، یورپ جا رہا ہے اور ہر طرف اپنے ایلچی بھیج کر جنگ کی تیاریاں کر رہا ہے کیونکہ وڈیو گیم کے چیمپیئن نے یمن جنگ کو گیم سمجھ کر ڈیزائن کیا ہوا تھا اور وہ سب الٹ ہو گیا ہے ۔ بن سلمان کے مقابلے میں آگے کمپیوٹر نہیں ہے بلکہ آگے تجربہ کارماہرین ہیں ، قیادت ہے ،  بصیرت اور شعور ہے ، جذبہ اور ولولہ ہے اور آگے ایک ملت ہے۔ یمن میں صرف بن سلمان کے مقابلے میں فقط ایک خوثی قبیلہ نہیں ہے بلکہ یمن یمنی عوام ہے جن کا اپنی ملت اور اپنی سرزمین کے ساتھ عشق و محبت ہے۔ بن سلمان سمجھ رہا تھا کہ یمن بھی ایک کمپیوٹر کا نام ہے اور یہ ماڑ دھاڑ کی گیم شروع کرے گا اور یمنیوں کو مار کر ختم کر دے گا اور میں یمن پہ اپنے جھنڈے گاڑ ھ دے گا ۔ اس نادان اور احمق کو یہ معلوم نہیں تھا کہ وہاں پر ایک ملت ہے اور غیرت مند ملت ہے ۔یمنی ملت فقیر ہے لیکن غیور ملت ہے ۔

کھنڈرات پر راتیں گزارنے والے غیرت مند یمنی ریاض شہر پر روزانہ میزائل گرا رہے ہیں ۔

 ٹرمپ کے مطابق سعودیہ اامریکہ کی مدد کے بغیر ایک دن بھی یمنیوں کے خلاف بھی قیام نہیں کر سکتا ۔

آلِ سعود نے مسلسل تین سال سے یمن کو نابود کیا ، ، پورا انفراسٹراکچر برباد کر دیا اور اس کا چپا چپا ویران کر دیا ۔ ا ن کھنڈرات کے اوپر رہنے والی ملت جس کو نہ دوائیں میسر ہیں ، نہ غذا میسر ہے ،نہ کھانا میسر ہے اور جس کے تمام دیہات اور شہر ویران ہو چکے ہیں اور ہسپتال اور سکول تباہ ہو چکے ہیں انہی کھنڈرات میں را ت گزارنے والے اتنے غیرت مند ہیں کہ انہوں نے ایک دن میں سعودی دارالخلافہ ریاض پر سات سکڈ میزائل داغے ہیں ۔ سکڈ میزائل ایک جہاز جتنا ہوتا ہے اور یمنیوں نے یہ میزائل ایک ہی دن میں یمن سے فائر کیے۔ ایک ایسے جنگ زدہ ملک نے سات سکڈ میزائل فائر کیے جس ملک کے اوپر پابندیاں ہیں ، جہاں کچھ بھی جانے نہیں دیتے ۔یمن کے ان میزائلوں نے وحشت پھیلا دی اور یہ بن سلمان اٹھا اور اامریکہ کی طرف دوڑا ۔ ٹرمپ نے مزیدار بات کی اور بن سلمان سے ملاقاتم میں اس کو کہا تم اگر امریکہ نے ہاتھ اٹھا لیا تو آلِ سعود ایک دن بھی باقی نہیں کر سکتے اور ایسا نہیں کہ ایران اور حزب اللہ کے خلاف قیام نہیں کر سکتے بلکہ یمنیوں کے مقابلے میں بھی ایک دن قیام نہیں کر سکتے ۔ ٹرمپ نے کہا کہ آلِ سعود کا اقتدارامریکہ کی وجہ سے ہے اور بن سلمان نے بھی اس کے قدم چومے ۔

علاماتِ زوال پذیری

یمنیوں نے روزانہ ایک میزائل داغنے کا سلسلہ شروع کیا ہے ۔بن سلمان سے بیان دیا ہے کہ ایران یہ میزائل بھیجتا ہے۔ ساری دنیا حیران ہے کہ ایران کہاں سے یہ میزائل بھیجتا ہے۔ یمن کی سرحد کو سعودی عرب نے چاروں طرف سے سیل کیا ہوا ہے ۔ یمن میں داخل ہونے کا نہ کوئی زمینی راستہ بچا ہے اور نہ کشتی یا جہاز کے ذریعے کوئی یمن میں داخل ہو سکتا ہے۔ آلِ سعود کو یہ سمجھ نہیں آ رہا کہ یمنیوں کے پاس میزائل کہاں سے آتے ہیں ۔ ان میں سے ایک بے وقوف نے یہ نظریہ پیش کیا کہ لبنان سے یمن تک ایک سرنگ کھودی گئی ہے اور اس سرنگ کے ذریعے وہ میزائلوں کو یمن تک پہنچاتے ہیں ۔ کوئی اس خطے کا نقشے دیکھے تو اندازہ ہو گا کہ لبنان سے سرنگ بنا کر یمن تک کیسے آ سکتے ہیں ۔

آلِ سعود کا حالیہ انداز رزوال پذیر حکومتوں والا ہے۔

زوال پذیر حکمران اس طرح ہاتھ پاؤں مارتے ہیں جس طرح بن سلمان مار رہا ہے۔

 بن سلمان پر اس وقت یہ بوکھلاہٹ طاری ہے اور کرائے کی فوج کی مدد سے یہ ایران پر حملہ کرنا چاہتا ہے۔ جو لوگ تاریخ کا مطالعہ کرتے ہیں ا ور قوموں کا عروج و زوال جانتے ہیں اور عروج و زوال کے پیمانے پتہ ہیں وہ وہ آج بخوبی اس نتیجے پر پہنچ چکے ہیں کہ یہ زوال پذیر حکومتوں کا انداز ہوتا ہے۔زوال پذیر نظام اس طرح کے ہاتھ پاؤں مارتا ہے اور اس طرح کی جھاگ زوال پذیر لوگوں کے منہ سے نکلتی ہے لیکن جو راسخ اور پکے ہوں وہ اس طرح کی حرکات نہیں کرتے۔

ایرانی کی مشکلات

ایرانیوں کے اسراف کی وجہ سے امریکہ اور مغرب کی اقتصادی پابندیاں زیادہ اثر کرتی ہیں ۔

قوم اسراف بھی کرتی ہو اور اقتصادی پابندیاں بھی ہوں تو قوم پر سختی زیادہ ہوتی ہے۔

ایران کو امریکہ اور مغرب نے شدیدقسم کی مشکلات دی ہیں ۔ ایرانی کا نظامِ زندگی بہت اعلیٰ ہے ۔پاکستانی بائیس کروڑ ہیں اور ایرانیس ات کروڑ ہیں ۔ یہ بائیس کروڑ ضائع کر کے بھی ایرانیوں کی نسبت کم گندم استعمال کرتے ہیں ۔ ایرانی پٹرول چین جتنا استعمال کرتے ہیں ۔ چین کی آبادی ظاہراًایک ارب اور پینتیس کروڑ ہے اور اتنی بڑی آبادی جتنا پٹرول استعمال کرتی ہے اتنا ہی پٹرو ل ایرانی سات کروڑ استعمال کرتے ہیں ۔ ایرانی اسراف بہت کرتے ہیں اور ان کے گھروں ا ور گلیوں سے ہر روز خشک روٹیوں کے ٹرک نکلتے ہیں ۔ وہاں نانِ خشک سنبھالنے کی بہت بڑی انڈسٹری ہے۔ ایرانی پکاتے روٹی ہیں اور کھاتے چاول ہیں ۔یہ ایرانیوں ں کلچر ہے۔ ظاہر ہے کہ ایک قوم اسراف بھی کرے ، مال اور وسائل ضائع بھی کرے اور دوسری طرف پابندیاں ا ور مہنگائی بھی ہوں ، دنیا تجارت بھی نہ کرے اور دوسری قومو ں سے تعلقات بھی نہ ہوں تو اس قوم پر سختی اور زیادہ ہو جاتی ہے۔

 قناعت کرنے والی ملت کے لیے کوئی مسئلہ نہیں ہوتا جیسے پاکستانیوں کے پاس بجلی نہیں ہے تو نہ سہی پاکستانیوں کے لیے کوئی مسئلہ نہیں ہے ۔ ان کے لیے بس اتنی بجلی کافی ہے کہ موبائل چارج ہوجائیں اس زیادہ بجلی پاکستانی کو نہیں چاہیے۔ظاہر ہے جہاں انڈسٹری ہی نہیں ہے اور سارا مال چائنا سے لے آتے ہیں وہاں بجلی کی ضرورت نہیں ہے۔ باقی قومیں بجلی کے بغیر ایک دن بھی نہیں رہ سکتیں ان کی زندگی اجیرن ہو جاتی ہے۔ اگر بجلی نہ ہو تو اوپر کی منزل والا نیچے نہیں آ سکتا کیونکہ لفٹ چلے گی تو وہ نیچے آئے گا۔

ایران عرب کشمکش

بن سلمان کا ہر احمقانہ قدم ایران کو فائدہ دے رہا ہے۔ یہاں ایک طرفہ سیاست ہو رہی ہے کیونکہ ایران اس کشمکش میں فعال نہیں ہے۔ ایران کا سفارت خانہ بھی بند ہے اور ان کا وزیرِ خارجہ بھی مریض ہے۔ اس کی جگہ بھی یہی بن سلمان ہی گھوم رہا ہے۔ بن سلمان ایران کے خلاف جو کچھ کرتا ہے وہی ایران ۔۔۔۔۔۔۔۔۔۔۔۔۔۔۔۔کے نفع میں تبدیل ہو جاتا ہے ۔

پاکستانیوں کی غفلت

پاکستانیوں کے ذہنوں میں حرمین کے بجائے آلِ سعود کا تقدس بیٹھ گیا ہے۔

پاکستانی ملت کو شعور آنا ضروری ہے کہ حرمین اور آلِ سعود کو الگ الگ رکھیں ۔

بن سلمان کے لیے ہمدردی کے جذبات رکھنا پاکستانی ملت کے لیے ننگ و عار ہے۔

پاکستان کو بن سلمان کے اعمال سمجھنے کی ضرورت ہے۔ ساری دنیا والوں اور خصوصاً پاکستانیو ں کے ذہنوں میں سعودی عرب کا ایک تقدس ہے اور سعودی عرب سے مراد آلِ سعود سمجھے جاتے ہیں نہ کہ حجاز ۔ پاکستانیوں کے ذہنوں میں اس خاندان کا تقدس بیٹھ گیا ہے۔ آلِ سعود کو حرمین سے جدا کریں ۔ ۔۔۔۔۔۔۔۔۔۔۔

اپنے دفاع کے لیے آلِ سعود کی نگاہیں پاکستانی کرایہ خواروں پر ہیں ۔

پاکستانی سیاستدان ریال نکلوانے کے لیے آلِ سعود کے دفاع کے بول بولتے ہیں

 آلِ سعوداندرونی اور بیرونی حالات کی وجہ سے فوجیں کرائے پر لے کر اپنی حفاظت کا اہتمام کر رہے ہیں ۔ ان کی نگاہیں پاکستان پر ہیں کہ پاکستان ان کی مدد کرے گا۔ اور پاکستانی ایسا کرتے ہیں بھی ہیں جب آلِ سعود پاکستان آتے ہیں تو پاکستانی سیاستدان کہتے ہیں آلِ سعود کی سلامتی ہماری سلامتی ہے اور ہمار ی رگ آلِ سعود سے جڑی ہوئی ہے اور نہ صرف رگیں بلکہ اندر سے انتڑیاں بھی ملی ہوئی ہیں ۔ ہمارے سیاستدان بہت چالاک ہیں ایسے بیان دیتے ہیں اور پھر کہتے ہیں ریا ل نکالو۔ ایک سیاستدان بیان دیتا ہے اور دوسرا کہتا ہے کہ ریال نکالو جس طرح ناچنے والے ناچتے ہیں ا ور دوسرا ان پر پیسوں کی ویل کرتا ہے۔ ان کی یہ حالت ہے کہ یہ بول بولتے ہیں اور وہ ان پر ریال پھینکتے ہیں ۔پاکستانیوں نے اس طرح کی سیاست اپنائی ہوئی ہے۔

پاکستان عوام کو آلِ سعود کے کردار سے آگاہ ہونا چاہیے۔ بن سلمان اس وقت اسرائیل کے ساتھ مل کر ایک اسلامی ملک کے خلاف بیان دے رہا ہے اور اسے دشمن قرار دے رہا ہے۔ وہ دشمنانِ دین کے ساتھ کھلم کھلا دوستی کر رہا ہے او ریہ ملت پھر بھی بن سلمان کے خیر خواہی ے جذبات رکھے تو یہ ا س ملت کے لیے ننگ و عار ہے۔ پاکستانی قوم میں اس حمار کے ساتھ ہمدردی اور خیر خواہی نہیں ہونی چاہیے۔ پاکستانیوں کی بے خبری اور عالمی حالات سے آگاہ نہ ہونا بہت افسوسناک ہے۔

دوسری سرد جنگ کا آغاز

امریکہ نے روس اور چین کے ساتھ دوسری سرد جنگ کا آغاز کر دیا۔

سرد جنگ میں ایک طرف روس چین اور اتحادی دوسری طرف امریکہ مغرب اور اتحادی ہیں ۔

امریکہ نے روس اور چین کے ساتھ دوسری سرد جنگ کا آغاز کو دیا۔ ایک جنگ وہ ہے اسلحاتی یا گرم جنگ کہلاتی ہے جو جہازوں ، ٹینکوں اور بارود سے لڑی جاتی ہے ۔ اس کے مقابلے میں ایک اور جنگ سرد جنگ کہلاتی ہے۔ سرد جنگ میں اسلحہ اور ٹینک جہاز استعمال کیے بغیر دشمن کو سیاسی، معیشتی اور کلچرل نقصان پہنچایا جاتا ہے اور دشمن کو اس طرح شکست دے کر جھکنے پر مجبور کیا جاتا ہے۔سرد جنگ میں اسلحہ استعمال نہیں ہوتا بلکہ پراپوگنڈا کیا جاتا ہے ، دباؤ ڈالا جاتا ہے ، پابندیاں لگائی جاتی ہیں ، دنیا کے مختلف ممالک کو ملا کر لابنگ کی جاتی ہے۔ موجودہ جوان نسل نے سرد جنگ نہیں دیکھی ہوئی لیکن جو جوانی گزار چکے ہیں انہوں نے سرد جنگ کا ماحول دیکھا ہوا ہے ۔ امریکہ اور روس میں سرد جنگ جنگ عظیم دوئم کے بعد ہی شروع ہو گئی تھی۔ 1949 کے بعد اس کی تیاریاں ہوئیں اور پچاس اور ساٹھ کی دہائی میں یہ سرد جنگ بڑھی اور ستر اور اسّی کی دہائی میں یہ جنگ اپنے اوج کو پہنچی اور پھر اسّی دہائی میں ہی ختم ہو گئی۔ امریکہ نے سرد جنگ اسلحے والی جنگ سے بھی زیادہ خطرناک لڑی اور اسی سرد جنگ کے ذریعے ہی سوویت یونین کو توڑ دیا۔سوویت یونین تیس ممالک کی ایک یونین تھی اور ایک بہت بڑی سلطنت تھی جسے امریکہ نے سرد جنگ کے ذریعے توڑ کر ٹکڑے ٹکڑے کر دیا اور آج اس سلطنت کے پچیس تیس ملک بنے ہوئے ہیں ۔

اب دوبارہ امریکہ نے سرد جنگ شروع کی ہے لیکن ان یہ جنگ چین اور روس دونوں کے خلاف ہے۔ امریکہ ، یورپ اور ان کے عرب اتحادی ایک طرف ہیں اور دوسری طرف چین ، روس اور ان کے اتحادی ہیں ۔ٹرمپ نے با قاعدہ اعلان کیا ہے کہ امریکہ چین و روس کے ساتھتجارتی جنگ شروع کر رہا ہے۔

تجارتی جنگ

دوسری سرد جنگ میں ٹرمپ نے روس اور چین سے تجارتی جنگ کا باقاعدہ اعلان کر دیا۔

تجارتی جنگ میں امریکہ نے روس پر پابندیاں اور چینی مصنوعات پر ٹیکس لگا دیے۔

سرد جنگ کا ایک اہم رکن اقتصادی جنگ ہے اور اقتصادی جنگ میں ایک اہم کردار تجارتی جنگ کا ہے۔ ٹرمپ نے تجارتی جنگ کا اعلان کر دیا ہے اور دعویٰ کیا ہے کہ وہ یہ جنگ جیتیں گے اور ساتھ اعتراف بھی کیا ہے کہ پہلے ہم یہ جنگ چین سے ہارے ہوئے تھے ۔ چین بھی تجارتی سامان بناتا ہے اور پوری دنیا سمیت امریکہ کو بھی بھیجتا ہے اور امریکہ بھی سامان کی تولید کرتا ہے اور ساری دنیا سے تجارت کرتا ہے۔ امریکی سامان دنیا میں اب کوئی بھی نہیں خریدتا لیکن چین کا سامان ساری دنیا میں بکتا ہے اور سب سے زیادہ بکتا ہے۔ مغرب کو بھی امریکہ کے ساتھ ہی شمار کریں اور مغربی اقتصاد کا دوسرا ہم پہلو یہ ہے کہ مغربی سامان مہنگا بنتا ہے جس وجہ سے اس کی قیمتیں بھی زیادہ ہوتی ہیں ۔ چین کا سامان کم قیمت میں بنتا ہے اور مارکیٹ میں سستا بھی ہوتا ہے۔ مغربی اقتصاد کی ایک اور خصوصیت یہ ہے کہ مغرب کو سامان تیار کر کے کسی دوسرے ملک میں بھیجنا بھی مہنگا پڑتا ہے۔ مغربی جب اپنا سامان کسی دوسرے ملک میں بھیجتے ہیں تو درآمد کرنے والے ممالک نے اس سامان پر ٹیکس لگایا ہوا ہوتا ہے۔ امریکہ کی کائی گاڑی چائنا میں آتی ہے تو اس پر ٹیکس ہے لیکن چائنا کی کوئی چیز جب امریکہ جاتی ہے تو اس پر کوئی ٹیکس نہیں ہے۔ اگر یہ تین پہلو نظر میں رکھیں ت اندازہ ہو جائے گا کہ چائنا کی چیز کتنی سستی پڑتی ہے اور امریکہ اور مغرب کی چیز کتنی مہنگی پڑتی ہے۔ ان عوامل کی وجہ سے چائنا نے پوری دنیا کی مارکیٹ اپنے قبضے میں کر لی ہے۔

چائنا کا سامانِ تجارت جب پوری دنیا میں جاتا ہے اس پر ٹیکس بہت کم ہیں جیسے چائنا کا سامان جب پاکستان میں آتا ہے تو اس پر بہت کم ٹیکس ہیں ۔اگر ایک پاکستانی لاہور میں فیکٹری لگا کر کوئی چیز بنائے اس پر ٹیکس ہے اور اگر کوئی چائنا میں فیکٹری لگا کر وہی مال پاکستان بھیجے اس پر کوئی ٹیکس نہیں ہے۔ظاہر ہے چائنا سے آیا ہوا مال سستا ہو گا۔ اب ایک طرف چائنا کا مال پڑا ہو اور دوسری طرف چائنا کا مال پڑا ہو تو خریدنے والا تو قیمت دیکھے گا کہ سستا کون سا ہے اور سستا خریدے گا جو چائنا کا ہے۔ لاہور والے مال پڑا پڑا گل سڑ جاتا ہے اور نقصان ہونے کی وجہ سے انڈسٹری بند کرنی پڑ جاتی ہے اور سرمایہ دار کسی اور ملک میں چلا جاتا ہے۔

اس وقت جو سرد جنگ شروع ہوئی ہے اس میں امریکہ نے چائنا سے امریکہ جانے والے سامان پر بھاری ٹیکس لگا دیا ہے یعنی امریکہ جانے والے سامان پر پہلے ٹیکس دیا جائے گا پھر یہ سامان امریکہ میں بیچا جائے گا۔ ظاہر ٹیکس لگنے سے یہ سامان امریکی عوام کو مہنگا ملے گا جس کا مقصد یہ ہے کہ چائنا کا سامان چھوڑ کر امریکہ کا سامان خریدیں ۔ چائنا نے بھی جواباً امریکہ سے درآمد ہونے والی اشیائ پر ٹیکس لگا دیا ہے۔ چائنا نے بھی امریکہ کی تجارتی جنگ کو قبول کیا ہے اور امریکہ کے جواب میں امریکی سامان پر ٹیکس لگا رہے ہیں ۔ امریکہ نے اس جنگ میں روس پر بھی دباؤ رکھا ہوا ہے ۔ روس پر پابندیاں لگا رہے ہیں اور چین پر ٹیکس لگا رہے ہیں ۔ ٹرمپ نے یہ اعتراف بھی کیا ہے کہ چائنا نے دنیا کی تجارت اپنے قبضے میں کی ہوئی تھی اور امریکہ یہ تجارتی جنگ پہلے  ہارا ہوا تھا لیکن اب امریکہ یہ جنگ جیتے گا۔

ٹرمپ کا انتخاب

ٹرمپ حادثاتی طور پر امریکہ کا صدر نہیں بنا بلکہ چین سے مقابلے کے لیے انتخاب کیا گیا ہے۔

اس وقت چائنا امریکہ کا سب سے بڑا ہدف ہے جس کے لیے ٹرمپ کا انتخاب ارادی ہے۔

ٹرمپ جب امریکہ کا صدر بنا تو ایک تجزیہ پیش کیا تھاکہ یہ امریکہ کا یہ انتخاب ارادی ہے۔ لوگ سمجھتے تھے کہ ایک نادان اور دیوانہ حادثاتی طور پر امریکہ کا صدر بنا دیا ہے جبکہ ایسا نہیں ہوا۔ ووٹ ہیلری کلنٹن نے زیادہ لیے تھے لیکن آخر کا ر ٹرمپ جیتا ۔ امریکہ کے انتخابات میں ایک ایسی پیچیدگی ہے جس جادو کا چھو منتر کہہ سکتے ہیں ۔ چھو منتر یہ ہوتا ہے کہ کوئی شخص کوئی کام کر دیتا ہے اور کسی کو پتہ نہیں چلتا کہ کیسے ہوا ہے۔ امریکہ میں ایک الیکٹور ل ووٹ ہوتا ہے اور جو امیدوار یہ الیکٹورل ووٹ زیادہ لیتا ہے وہ جیت جاتا ہے اگرچہ وہ پبلک کے ووٹ زیادہ لے ۔ امریکہ میں ووٹ دو طرح کے ہیں اور دونوں کی اپنی اپنی ویلیو ہے اور امریکی جسے چاہتے ہیں الیکٹورل ووٹ کے ذریعے جتوا دیتے ہیں ۔ سابق امریکی صدر جارج ڈبلیو بُش کے مقابلے میں جو امیدوار تھا وہ بھی جیت گیا تھا لیکن عدالت نے بش کو کامیا ب قرار دیا تھا۔بُش وہ خبیث انسان ہے جس نے اسلامی دنیا پر حملے کیے اور اسے بھی پلاننگ کے ساتھ لایا گیا تھا۔ ٹرمپ آیا ہی چائنا کے لیے ہے۔ روس بھی امریکہ کا ہدف ہے لیکن چائنا اس کا بڑا ہدف ہے۔

چینی منصوبے

چین کی بنائی ہوئی سڑکیں فقط چینی ٹرکوں کے لیے ہیں ؛پاکستانی پار بھی پل سے کریں گے۔

پاکستان کی آئندہ نسلیں بھی کچی سڑکوں پر ہی چلتی رہیں گی ؛ چینی سڑکوں پر قدم بھی نہیں رکھ سکتے۔

 چائنا نے اپنے آپ کو ایک عالمگیر تجارت کے لیے وُسعت دی ہے اور پوری دنیا کی سڑکوں ، بندر گاہوں کو سی پیک جیسے منصوبوں کے ذریعے جوڑ دیا ہے اور پوری دنیا کو آپس میں متصل کر دیا ہے۔ چائنا یہ سڑکیں دوسروں کے لیے نہیں بنا رہا بلکہ ان پر چائنا کے ٹرک ہی چلیں گے۔ جو سڑک پاکستان میں بن رہی ہے پاکستانی خوش ہو رہے ہیں کہ ہمارے علاقے سے سی پیک روڈ گزر رہا ہے ۔ چائنا نے ان سڑکوں پر باڑلگا دی ہے اور پاکستانیوں کی گدھی بھی ان سڑکوں پر نہیں چڑھ سکتی ۔ اس سڑک کو پار کرنے کے پاکستانیوں کو پل لگا کر دیے ہیں کہ پاکستان اس سڑکوں پر قدم بھی نہیں رکھ سکتے۔ چائنا یہ سڑکیں اپنے ٹرکوں کے لیے بنا را ہے نہ کہ پاکستانیوں کے رکشوں اور موٹر سائیکلوں کے لیے۔ پاکستانیوں کی آئندہ نسلیں بھی اپنی کچی سڑکوں پر چلتی رہیں گی۔ چائنا نے ہر ملک میں یہی کام کیا ہے۔

چائنا کی اٹھان

چائنا نے امریکہ کی سپر پاور کی حیثیت کو خاک میں ملا دیا۔

اقتصادی کے بعد عسکری طاقت کے ذریعے چائنا نے عالمگیر طاقت پیدا کر لی۔

چائنا نے امریکہ کی سپر پاور کی حیثیت خاک میں ملا دیا ہے۔چائنا کی ایک اٹھان اقتصادی ہے اور اب سیاسی اور عسکری طور پر بھی ابھر رہا ہے۔ پہلے چائنا نے عسکری طور پر اپنے آپ کو محدود رکھا ہوا تھا اب اپنے آپ کو ایک عسکری طاقت کے طور پر وسعت دے کر ایک عالمگیر طاقت پیدا کر ی ہے۔ اس وقت امریکی کی فوج بارہ لاکھ ہے اور چائنا کی فوج پچیس لاکھ ہے اور فرض کریں امریکہ کے پاس پچاس ہزر ٹینک ہیں تو چائنا کے پاس پانچ لاکھ ٹینک ہیں ۔ چائنا نے اپنی عسکری طاقت اتنی بڑھا لی ہے کہ امریکہ کو چائنا کے برابر اپنی جنگی مشینری بنانے کے لیے بہت وقت لگے گا اس لیے چائنا کو ختم کرنا امریکہ کا پہا ہدف بن گیا ہے۔

چین روس کی گرفت

روس چین نے دنیا کے ذرائع آمدن پر قبضہ کر کے اپنی دھاک بٹھا لی ہے۔

چائنا کے ارب پتی افراد نے یورپ کی بڑی بڑی فیکٹریاں خرید لی ہیں ۔

امریکہ نے چائنا کے مقابلے کے لیے ٹرمپ جیسے فاسد تاجر کو چنا ہے جو فساد کی تجارت کا ماسٹر مائینڈ تھا ۔ وہ ٹرمپ کے ذریعے چائنا کو کنٹرول کرنا چاہتے ہیں جو گندی تجارت اکا ماہرہے۔ ٹرمپ اس وقت جو کچھ بھی کر رہا ہے وہ اس اقتصادی جنگ کی تیاریاں ہیں ۔ اسے معلوم ہے کہ جب امریکہ چائنا پر ٹیکس لگائے گا تو چائنا امریکہ پر ٹیکس لگا دے گا جس سے امریکی فیکٹریوں کا ما ل چائنا میں نہیں بکے گا ۔ چائنا جہاں پر سب سے بڑا تولید کرنے وا لا جبکہ وہاں دنیا کی سب سے بڑی منڈی بھی ہے۔ امریکہ کی سب سے زیادہ گاڑیاں چائنا میں جاتی ہیں اور سب سے زیادہ امریکی مصنوعات چائنا میں خریدی جاتی ہیں چونکہ پیسہ وہاں ہے۔ منڈی وہی ملک بنتا ہے جہاں پیسہ ہو۔دنیا کے اکثر ارب پتی اس وقت چینی ہیں اور ان کی تعداد دن بہ دن بڑھ رہی ہے۔ چائنا میں ہر روز ارب پتی اور کھرب پتی انسانوں کی تعداد میں اضافہ ہوتا جا رہا ہے۔ یورپ کئی بڑی بڑی کمپنیاں چائنا نے خرید لی ہیں ، کارباری کنسورشیم انہوں نے خرید لیے ہیں ، فٹ بال کلب انہوں نے خرید لیے ہیں اور جو کچھ بھی یورپ نے آمدن کا ذریعہ بنایا ہوا تھا وہ سب چائنا اور روس نے خرید لیا ہے۔ اسی وجہ سے اس وقت ان دو ملکوں کی دنیا پر دھاک ہے۔

عربوں کا سہارا

چائنا سے اقتصادی جنگ ؛ امریکہ عرب ممالک کو اپنی مصنوعات کی منڈی بنا رہا ہے۔

عرب ممالک سے دیگر ملکوں کے لوگوں کو نکال کر اقتصاد اپنے قبضے میں لینا امریکی منصوبے میں شامل ہے۔

امریکہ چائنا جنگ میں عرب امریکہ کا خسارہ پورا کریں گے؛ بدلے میں عربوں کو کچھ اور دن کا اقتدار ملے گا۔

امریکہ جانتا ہے کہ چائنا اور روس کا مقابلہ کرنے سے امریکی کی فیکٹریوں کا نقصان ہو گا ۔ اس نقصان کا ازالہ کرنے کے لیے امریکہ نے متبادل کے طور پر عرب نادان ڈھونڈے ہیں ۔ جب چائنا امریکی مصنوعات پر پابندی لگائے گا اور امریکہ کا مال کوئی نہیں خریدے گا تو امریکہ اپنا سامان عرب امارات او ر آلِ سعود ، قطر و کویت اور باقی عرب ریاستوں کو بیچیں گے ۔ عربوں کو امریکہ میں بنے ہوئے سامان کی ضرورت نہیں ہے چونکہ امریکہ جو سامان بناتا ہے وہ عرب مماک میں استعمال ہی نہیں ہوتا لیکن امریکہ اپنی فیکٹریوں کا سامان عربوں پر ٹھونسے گا۔ امریکہ جنگ چھیڑ کر کہے گا کہ یہ سارا سامان تمہاری ضرورت ہے۔ جنگ کے وازمات بھی ہیں جیسے جنگ کے لیے ٹرک ہیں تو عربوں نے ٹرک بھی خریدنے ہوں گے ، ٹرکوں کے ٹائر اور ٹیوب بھی خریدنے ہوں گے ، ٹیوب کے لیے پمپ بھی خریدنا ہو گا اور ٹرک کے لیے جیک بھی چاہیے اور گریس بھی چاہیے۔ عربوں کو ضرورت کچھ بھی نہیں ہے لیکن امریکہ حالات ایسے بنائے گا کہ عرب یہ سامان خریدنے پر مجبور ہوں گے۔ امریکہ نے ابھی سے تمام عربی پیسے کے لیے پلاننگ کر لی ہے اور عربوں کو کہہ رہا ہے کہ عرب ریاستوں سے پاکستانیوں ، انڈین اور دیگر قوموں کو نکا ل دیں ۔یہ امریکی پالیسی ہے کہ عرب ممالک سے دوسرے تمام ملکوں کو بے دخل کر کے اقتصاد امریکہ کے ہاتھ میں ا ٓ جائے۔ امریکہ چائنا سے جو جنگ کرنا چاہ رہا ہے اس میں ایک میدان عرب ملک ہوں گے جو امریکہ کا خسارہ پورا کریں گے ۔ عربوں کو اس خدمت کے بدلے میں اقتدار ملے گا کہ وہ چند دن اور حکومت کر سکیں گے لیکن یہ نادان ٹرمپ کی خام خیالی ہے۔

روس کی نشئت ِ ثانیہ

روس دوبارہ سپر پاور بنا کر عالمی سیاست میں داخل؛ امریکہ کو آنکھیں دکھا رہا ہے۔

پیوٹن نے زوال پذیر روس کو اپنے پائوں پر کھڑا کر کے دوبارہ سپر طاقت بنا دیا۔

روس کا صدر پیوٹن اور چینی صدر شی جن پنگ دونوں سیاسی اور اقتصادی دماغ ہیں ۔

روس نے متحد ہو کر پیوٹن کو صدر بنا یا؛ چین کے شی جن پنگ کو تا حیات صدر بنا دیا۔

اس وقت روس پہلے سے زیادہ جارحانہ عزائم پیدا کر چکا ہے۔ سوویت یونین میں جو روس تھا وہ بہت بڑی ریاست تھی اور اس وقت بھی اس کے اندر جارحیت تھی اور اس جارحیت نے اثر بھی دکھایا۔ آدھی دنیا رون نے اپنے قبضے میں کر لی تھی۔ اس وقت سوویت یونین والا ڈھانچہ موجود نہیں ہے بلکہ صرف روس ہے اور روس نے اپنی کھوئی ہوئی حیثیت دوبارہ حاصل کرنی کی کوشش شروع کی ہے۔

اس وقت چائنا کا صدر شی جن پنگ ہے اور روس کا ولادی میر صدر پیوٹن ہے ۔ پیوٹن صدارت کا ایک دورانیہ گزار چکا ہے جس میں وہ بارہ سال صدر رہا ۔ پیوٹن بارہ سا ل روس کا صدرہ رہنے کے بعد چھ سال وزیرِ اعظم رہا اور اب دوبارہ صدر ہے ۔ گزشتہ صدارتی انتخاب میں پیوٹن کو تاریخی کامیابی حاصل ہوئی ہے تمام روس نے متحد ہو پیوٹن کو صدر چنا ہے اور دوسری طرف چائنا کے صدر شی جن پنگ تمام عمر کے لیے چائنا کا صدر بن گیا ہے۔ چائنا کی کانگریس نے یہ فیصلہ کیا ہے کہ جب تک شی جن پنگ زندہ ہے یہ چائنا کا صدر ہے۔ دونوں ملکوں نے یہ فیصلہ اس لیے کیا ہے کہ یہ دونوں حکمران بہت مقتدر حکمران ہیں اور دونوں سیاسی اور اقتصادی دماغ ہیں ۔ پیوٹن شی جن پنگ سے بھی زیادہ تربیت یافتہ ہے کیونکہ وہ روسی انٹیلی جنس ایجنسی کے جی بی کا تربیت یافتہ افسر ہے جو دنیا کی خطرناک ترین ایجنسی ہے اور اس کا سربراہ بھی رہا ہے۔ پیوٹن نے ایک زوال پذیر ملک کو دوبارہ سپر پاور بنایا ہے۔

روس سپر پاور تھا جس کی طاقت کو امریکہ نے سرد جنگ کے ذریعے توڑ کر زوال پذیر کر دیا۔ یہ پیوٹن کی سیاست تھی کی اس نے دوبارہ روس کو عالمی طاقت بنا دیا ہے۔ روس اتنا غیرب ہو گیا تھا کہ روس میں پیاز نہیں ملتا تھا۔ ہم جب قم مقدسہ میں پڑھتے تھے تو ایک وفد ایران سے روس گیا تو وہ پیاز ایران سے اپنے ساتھ لے کر گئے تھے۔دکانیں بالکل خالی تھیں اور ہر طرف سناٹا تھا۔ روس کی یہ اقتصاد تھی اور روسی عورتیں تمام دنیا میں جسم فروشی کرتی تھیں چونکہ انہوں نے کسی طرح اپنا پیٹ بھرنا تھا۔ پیوٹن سے روس کو اس دیوالیہ پن سے نکالا اور اپنے ملک کی اقتصاد مضبوط کی اور اپنے پاؤں پر کھڑا کر دیا۔ پیوٹن نے نہ صرف روس کی اقتصاد کو بحال کیا ہے بلکہ دوبارہ ایک سپر پاور بن کر عالمی سیاست میں آ گیا ہے اور امریکہ کو آنکھیں دکھانا شروع کر دی ہیں ۔ جہاں جہاں امریکہ نے میدان کھولا ہے وہاں وہاں روس امریکہ کا مقابلہ کر رہا ہے۔ روس پر دباؤ ڈالنے کے لیے امریکہ اور یورپ نے روس پر دباؤ ڈالنے کے لیے روس کے سفیروں کو ملک بدر کیا۔ یورپی ملکوں نے روس کے سفیر نکالے تو امریکہ نے بھی یورپ کے سفیر نکا ل دیے ۔

سالمیت کا راستہ

دوسری سرد جنگ میں امریکہ کمزور پوزیشن میں ہے؛ امریکہ سمیت اتحادیوں کی تباہی یقینی ہے

چائنا ا ور روس کے اتحادی اپنی اقتصاد بھی بچالیں گے اور سالمیت بھی بچا لیں گے ۔

پہلے امریکہ اور روس کی سرد جنگ تھی اب چائنا اور روس اپنے اتحادیوں کے ساتھ ایک محاذ ہے اور امریکہ پورپ اپنے اتحادیوں کے ساتھ دوسرا محاذ ہیں ۔ یورپ اب کمزور ہو چکا ہے اس کی پہلے والی حیثیت نہیں ہے ۔ یورپی ممالک کے اندر بھی پھوٹ پڑ گئی ہے اور برطانیہ بھی یورپ سے الگ ہو گیا ہے۔ ٹرمپ اس وقت کمزور ترین پوزیشن میں ہے۔یہاں پر تمام دنیا کے حکمرانوں کے لیے لمحۂ فکریہ ہے کہ انہوں نے اس سرد جنگ میں کس کا راستہ اپنانا ہے۔ ہمارے وزیرِ خارجہ نے بیان دیا ہے کہ اس سرد جنگ میں ہم غیر جانبدار رہیں گے ۔ پاکستان غیر جانبدار نہیں ہے بلکہ چائنا کے ساتھ ہے ۔ اس قوت جو ملک چائنا روس اتحاد کے ساتھ ہوں گے ان کی اقتصاد بھی بچ جائے گی اور ان کی سا لمیت بھی بچ جائے گی۔ جو ممالک ان کے مقابلے میں امریکی بلاک میں ہوں گے ان کے لیے تباہی یقینی ہے جیسے عرب ملک اور بعض یورپی ملک ہیں ۔

خوفناک سرد جنگ

امریکی کی چین اور روس سے سرد جنگ اسلحے کی جنگ سے زیادہ تباہی مچائے گی

اس سرد جنگ میں کئی ممالک ٹوٹیں اور قائم ہوں گے کئی نظام اور حکومتیں بدلیں گی۔

امریکی کی چین اور روس سے سرد جنگ اسلحے کی جنگ سے زیادہ تباہی مچائے گی جس میں بہت سارے ملک ٹوٹیں گے ، بہت سارے ملک قائم ہوں گے اور بہت سارے نظام اور حکومتیں بدلیں گے ۔ آئندہ چند سالوں میں اس سرد جنگ کا بھرپور آغاز ہو گا۔ اس سرد جنگ کو جاری رکھنے کے لیے گرم جنگ بھی ضروری ہوتی ہے مثلاًافغانستان میں جنگ ہو گی جس کے لیے دونوں فریق تیاریں کر رہے ہیں ۔ داعش کو امریکہ نے افغانستان کے محاذ میں اتار دیا ہے اور طالبان کی معاونت روسی بلاک نے شروع کر دی ہے۔ افغانستان میں جنگ کا دباؤ بنے گا پھر جہاں جہاں سرد جنگ کے شریک ممالک ہوں گے ان پر اثر پڑے گا۔ امریکی داعش کے ذریعے ایران پر دباؤ ڈالے گا چونکہ ایران اس سرد جنگ میں روس کے ساتھ کھڑا ہے۔ ادھر سے روس نے طالبان کو تیار رکھا ہوا ہے کہ جو ملک امریکہ کا ساتھ دے گا طالبان اس ملک کے کلاف کاروائیاں کریں گے ۔ اس جنگ کا عنوان سرد جنگ ہے لیکن یہ گرم جنگ سے زیادہ تباہ کن ہو گی۔ سرد جنگ کی قائم رکھنے کے لیے گرم جنگ کی حرارت بھی ضروری ہو گی جس کے لیے بہت سارے ملک تنور بنیں گے۔

سرد جنگ اور پاکستان

پاکستان دوسری عالمی سرد جنگ کا میدان بن چکا ؛ غیر جانب دار رہنے کا امکان نہیں ۔

افغانستان کی طرح ممکن ہے پاکستان میں بھی داعش اور طالبان کو اتار دیا جائے۔

پاکستان اس سرد جنگ میں ابھی تک بین بین ہے۔ ممکن ہے سرد جنگ کے دونوں بلاک پاکستان کے اندر بھی داعش اور طالبان کے ذریعے دہشت گردی شروع کرائیں اور یہ بھی پاکستان کو صرف دباؤ میں رکھیں  باقاعدہ ان گروہوں کو پاکستان میں نہ اتاریں ۔ پاکستان کی کیفیت گوں بہ گوں کی کیفیت ہے۔ ایران کے لیے بھرپور تیاری کی جارہی ہے جس کے لیے بن سلمان کو تیار کیا جا رہا ہے۔ نام بن سلمان کا ہے لیکن داعش اور امریکی اتحادی جو سوریا میں موجود ہیں وہ سب ایران میں اتارنے کی تیاریاں ہو رہی ہیں ۔ امریکہ نے پاکستان کو مسلسل دباؤ میں رکھا ہوا ہے اور پاکستان کے وزیرِ اعظم جب امریکہ گئے تو امریکی نائب صدر نے دو ٹوک الفاظ میں کہا کہ ہم نے ایران اور طالبان کے خلاف جنگ لڑنی ہے پاکستان اپنا موقف واضح کرے۔پاکستان نے مشاورت کے لیے مہلت مانگی ہے ۔ وزیرِ خارجہ نے کہا ہے کہ ہم اس جنگ میں غیر جانب دار رہیں گے لیکن حقیقتاً پاکستان کا غیر جانب دار رہنے کا کوئی امکان نہیں ہے چونکہ پاکستان اصلی میدانوں میں سے ایک میدان بن چکا ہے۔ چائنا کو بھی یہ بات معلوم ہے کہ پاکستان کے بغیر چائنا اپنا کردار ادا نہیں کر سکتا اور پاکستان بھی چائنا کے رحم و کرم پر ہو گا ۔

ترکی کا کردار

 روس نے اردگان کی کمزوریوں سے فائدہ اٹھا کرنیٹو سے توڑ لیا۔

اردگان کمزور ہے پہلے روس کا طیارہ گرایا پھر پاؤں پڑ کر معافی مانگ لی۔

ترک صدر کا انداز ٹارزن والا ؛ اسرائیل کے دھمکی دیتا ہے سفارت خانہ بند نہیں کرتا۔

سرد جنگ میں روس کی دلچسپی زیادہ ہے اور وہ امریکہ کا عالمی کردار ختم کر کے انے آپ کو سپر طاقت منوانا چاہتا ہے۔ روس نے ایک بنیادی کامیابی یہ حاصل کی ہے کہ نیٹو کا بنیادی رکن ترکی امریکہ سے الگ کر دیا ہے اور اپنے بلاک میں شامل کر لیا ہے۔ ترکی کے صدر کا ٹارزن والا انداز ہے جو پنجابی فلموں کی طرح بڑھکیں زیادہ مارتا ہے لیکن کام تھوڑے کرتا ہے، اسرائیل کو دھمکی دیتا ہے لیکن سفارتی تعلقات نہیں توڑتا ۔ یہ اردگان کا سٹائل ہے کہ بڑھکیں مارتا ہے۔ پہلے روس کا طیارہ گرایا پھر جا کر ان کے پاؤں پڑ گیا۔ روس نے اردگان کی انہی کمزوریوں سے بھرپور فائدہ اٹھایا ہے۔ اگر اردگان کمزور نہ ہوتا اور روس کی گرفت میں نہ آتا تو اس خطے کے حالات کچھ اور ہو جاتے۔

لیڈروں کا امتحان

امریکہ کی روس اور چین سے سرد جنگ ایک عالمی سنیریو (scenario) جو اسلامی خطے کو نئی صورت حال سے دوچار کرنے کے لیے آمادہ کیا جا رہا ہے۔ ظاہر ہے یہاں حکومتوں ، ملتوں اور لیڈروں کا قوموں کو بچانے میں اور قوموں کو زوال پذیر کرنے میں بہت اہم کردار ہوتا ہے۔ جو لیڈر نالائق، غافل اور نا اہل نکلیں گے اور فقط چمچہ گیری کریں گے وہ اپنا ملک و اپنی ملت نابود کریں گے لیکن جنہوں نے اس قضیے کے اندر ہوشیاری دکھائی وہ اپنا ملک بھی بنا لیں گے ، اپنی قوم بھی بنا لیں گے اور اپنی عالمی حیثیت بھی سنوار لیں گے۔